17.01.2026 | 14:46
Ես ինքս եմ ինձ համոզել. Թրամփը՝ Իրանի վրա հարձակվելուց հրաժարվելու մասին
ՀՀ-ն հարևանների, այդ թվում՝ Ադրբեջանի հետ հարաբերությունները պատկերացնում է խաղաղության օրակարգի շրջանակում. Փաշինյան
Քաղաքականություն
11.04.2019 | 15:33
Վրաստանի և Իրանի հետ մեր հարաբերությունները իսկապես բարձր մակարդակի վրա են գտնվում, մենք այդ երկրների հետ ունենք բարձր մակարդակի երկխոսություն և փորձում ենք ավելի զարգացնել այդ հարաբերությունները: ԵԽԽՎ-ում այս մասի ասաց ՀՀ վարչապետ Նիկոլ Փաշինյանը՝ պատասխանելով հարևան երկրների հետ Հայաստանի հարաբերությունների մասին հարցին:
«Ցավոք՝ Ադրբեջանի և Թուրքիայի հետ, ըստ էության, մենք դիվանագիտական հարաբերություններ չունենք: Սրանով ամեն ինչ ասված է: Ադրբեջանի պարագան, կարծում եմ, բոլորիս համար պարզ է: Թուրքիայի պարագան մի փոքր այլ է: Թուրքիան Հայաստանի հետ հարաբերությունը կապում է Ադրբեջանի հետ մեր հարաբերություններով: Հայաստանն իր հերթին չի փոխում իր դիրքորոշումը. մենք ասել ենք, որ Թուրքիայի հետ պատրաստ ենք հարաբերություններ հաստատել առանց նախապայմանների»,- ընդգծեց Նիկոլ Փաշինյանը:
Ինչ վերաբերում է Ադրբեջանի հետ հարաբերություններին, ըստ Նիկոլ Փաշինյանի՝ Հայաստանն Ադրբեջանի, ինչպես նաև մյուս հարևանների հետ հարաբերությունները պատկերացնում է խաղաղության օրակարգի շրջանակում։
«Եվ ուրախ եմ, որ իր գործունեության ընթացքում մեր Կառավարությունը կարողացել է հարաբերությունների սեղանին դնել հենց խաղաղության օրակարգը»,- հավելեց ՀՀ վարչապետը:
