09.08.2026 | 18:10
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
«Ես Վստրեչի Ապերին չեմ ճանաչում». Արման Ամիրաղյան
11.04.2019 | 14:43
«Բեստ Ֆրութ» ընկերության տնօրեն Արման Ամիրաղյանը պնդում է, որ ինքը երբևէ որևէ կապ չի ունեցել Վստրեչի Ապերի՝ Արամ Վարդանյանի հետ:
Հիշեցնենք, որ երեկ գրել էինք, որ «Թրանսփարենսի Ինթերնեյշնլ» ՀԿ-ն, հղում անելով «Առավոտ» օրաթերթին, տեղեկություն էր հրապարակել իր կայքում, որ Ամիրաղյանը թիվ 75 դպրոցում տեղակայված ընտրատեղամասի տարածքում «կոկորդ պատռելով» սպառնացել է Լևոն Տեր-Պետրոսյանի կողմնակիցներին, որ իրենք չեն թողնի «Սերժին մեկն անցնի»:
«Վերջինս թաղային և քրեական հեղինակություններ Տէցի կռուգի Լյովիկի և Վստրեչի Ապերի հետ համակարգել է Շենգավիթ համայնքում ընտրախախտումների գործընթացը, մարդկանց փող և բենզինի կտրոններ բաժանել»,- նշված է հրապարակման մեջ:
Այս կապակցությամբ Արման Ամիրաղյանը հավաստիացրեց․ «Իմ և Վստրեչի Ապերի միջև կապ ընդհանրապես չի եղել, այդ հրապարակումը իրականությանն ընդհանրապես չի համապատասխանում: Ես էլ ՀՀԿ-ական չեմ: Ես այդ մարդկանց չեմ ճանաչում, նման բան էլ տեղի չի ունեցել: Ես նրան ճանաչել եմ միայն լրատվամիջոցներից, գիտեմ, որ Երևանի բնակիչ է, անհատական որևէ բան չկա մեր մեջ»,- նշված հրապարակման վերաբերյալ ասաց Ամիրաղյանը:
Հարցին, թե ինչու տասը տարի առաջ չի հերքել տեղեկությունը, Ամիրաղյանն ասաց, որ այդ տարիներին հրապարակմանը ծանոթ չի եղել:
Հայկ Վարդանյան
