14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
«Շիրակ» ՀԸ-ն չեն կարող վաճառել․ գնորդին լիցենզիա չի տրամադրվի մինչև 2021 թվականը․ Տիգրան Հակոբյան․ ՏԵՍԱՆՅՈՒԹ
Քաղաքականություն
10.04.2019 | 16:23
Ազգային ժողովի Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի այսօրվա նիստում ՀՌՀ գործող նախագահ Տիգրան Հակոբյանը ներկայացրեց «Հեռուստատեսության և ռադիոյի հանձնաժողովի 2018 թվականի գործունեության մասին» հաղորդումը։
Ազգային ժողովի ԲՀԿ խմբակցության պատգամավոր Վարդևան Գրիգորյանը նիստի ընթացքում անդրադարձավ «Շիրակ» հեռուստաընկերության փակման խնդրին՝ նշելով, որ շիրակցին այսօր զրկված է այդ հեռուստաընկերությունից և նրան չի հետաքրքրում՝ դրա պատճառները որտեղ են թաքնված։
Ի պատասխան Տիգրան Հակոբյանն ասաց, որ երբ ընդունվել է օրենք, որ Շիրակի մարզում գործի հանրային հեռուստաընկերություն, չի հատկացվել թվային տիրույթի հաճախականություն, ուստի այդ ՀԸ-ն չէր կարող շարունակել իր գործունեությունը։
«Թվային տիրույթում հաճախականություն չունենալու պատճառով էլ Շիրակի հեռուստաընկերությունը չեն կարող վաճառել, ցանկացած ոք, որը այդ հեռուստաընկերությունը կփորձի առնել, նոր լիցենզիա չի կարող ստանալ մինչև 2021 թվականի մրցույթը՝ թվային տիրույթում տեղ ունենալու համար»։
Մանրամասները՝ տեսանյութում։
Աղավնի Սուքիասյան
