16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Մարդուն սենյակից դուրս հրավիրել ոչ մի դեպքում չի կարելի. Մարիա Կարապետյանը՝ տրանսգենդերի ելույթի մասին. ՏԵՍԱՆՅՈՒԹ
Հասարակություն
09.04.2019 | 17:11
«Նաիրա Զոհրաբյանը խախտել է կանոնակարգ-օրենքը և պատգամավորական էթիկայի կանոնները»,- այս մասին Ազգային ժողովում Factor.am-ի հարցին ի պատասխան՝ ասաց Ազգային ժողովի «Իմ քայլը» խմբակցության պատգամավոր Մարիա Կարապետյանը։
Իշխանական խմբակցության պատգամավորի պնդմամբ՝ մարդկանց դահլիճից դուրս հրավիրելն անթույլատրելի է։
Հիշեցնենք՝ օրեր առաջ Ազգային ժողովի նիստերի դահլիճում Մարդու իրավունքների պաշտպանության և հանրային հարցերի մշտական հանձնաժողովի կազմակերպած լսումների ընթացքում ելույթ ունեցավ տրանսգենդեր, որին հանձնաժողովի նախագահ Նաիրա Զոհրաբյանը ելույթից հետո դուրս հրավիրեց նիստերի դահլիճից։
Մարիա Կարապետյանը չի հերքում՝ ինքը հասարակական կազմակերպություններին ուղարկել է իրազեկող նամակ, ավելին՝ խրախուսել է, որ ՀԿ-ներն այն փոխանցեն այլ կազմակերպությունների ևս։
«Այդ իրազեկող նամակի բովանդակությունը եղել է նաև Ազգային ժողովի կայքում, որ ես, որպես հանձնաժողովի անդամ, հաստատել եմ։ Տիկին Զոհրաբյանը հետո փոխել է հանձնաժողովի անդամների հաստատած օրակարգը»,- շարունակեց պատգամավորը։
Այսօր տրանսգենդերի ելույթին անդրադարձել է նաև վարչապետ Նիկոլ Փաշինյանը՝ նշելով. «Այն պահվածքը, որ այս ամենի վերաբերյալ ցուցաբերում է ԱԺ Մարդու իրավունքների պաշտպանության հանձնաժողովի նախագահը, ընդհանրապես կասկածի տակ է դնում Հայաստանում մարդու իրավունքների վիճակը: Ես կարծում եմ, որ «Բարգավաճ Հայաստան» խմբակցությունը պետք է մտածի՝ արդյոք ինքը համապատասխանո՞ւմ է Մարդու իրավունքների պաշտպանության հանձնաժողովի նախագահի համար անհրաժեշտ նվազագույն չափանիշներին»։
Մանրամասները՝ տեսանյութում։
Շողիկ Գալստյան
