05.04.2026 | 21:21
Բախվել են VAZ և KIA մակնիշների ավտոմեքենաները․ կան տուժածներ և զոհ
«Սպայկա»-ի տնօրենի փաստաբանները նրան գրավի դիմաց ազատ արձակելու միջնորդություն են ներկայացրել
Հասարակություն
08.04.2019 | 13:40
«Սպայկա» ընկերության տնօրեն Դավիթ Ղազարյանի փաստաբանները նրան գրավի դիմաց ազատ արձակելու միջնորդություն են ներկայացրել: Լրագրողների հետ զրույցում այս մասին տեղեկացրեց Ղազարյանի պաշտպան Կարեն Սարդարյանը:
Փաստաբանի խոսքով՝ գրավի գումարի չափ միջնորդության մեջ չեն նշել. «Դատարանը կարող է կիրառել այն գումարը, որը խելամիտ կհամարի»:
Կարեն Սարդարյանը նշեց նաև, որ Դավիթ Ղազարյանը դեռևս ցուցմունք չի տվել: «Կալանավորման համար հիմք է հանդիսանում այն, որ Դավիթ Ղազարյանը կարող էր ազդեցություն ունենալ մարդկանց վրա՝ իր օգտին ցուցմունք տալու առումով»,- նշեց փաստաբանը՝ միաժամանակ հավելելով, որ «Սպայկա»-ի տնօրենի դեմ որևէ մեկը ցուցմունք չի տվել, եղել է միայն մեկ փորձագետի եզրակացություն:
Հիշեցնենք, որ Երևանի Կենտրոն և Նորք-Մարաշ համայնքների ընդհանուր իրավասության դատարանն այսօր Դավիթ Ղազարյանին կալանավորելու որոշում կայացրեց: «Սպայկա» ընկերության տնօրենին մեղադրանք է առաջադրվել ՀՀ քրեական օրենսգրքի 205-րդ հոդվածի 2-րդ մասով:
Լիլիթ Շաբոյան
