09.06.2026 | 18:39
Կարապետ Գուլոյանի նկատմամբ հանրային քրեական հետապնդում է հարուցվել
Երկրորդ ողբերգական դեպքը` մեկ օրում
Հասարակություն
06.04.2019 | 19:48
911 ծառայությունն այսօր` ապրիլի 6-ին, ժամը 10:24-ին ահազանգ է ստացել, որ Երևան քաղաքի Հունան Ավետիսյան փողոցի (Նոր Նորքի 7-րդ զանգված) թիվ 16 շենքի բնակարաններից մեկի բնակիչը չի արձագանքում դռան թակոցներին և հեռախոսազանգերին. անհրաժեշտ է փրկարարների օգնությունը:
Այս մասին նշված է ՀՀ արտակարգ իրավիճակների նախարարության կայքում։
Դեպքի վայր է մեկնել ԱԻՆ փրկարար ծառայության հրշեջ-փրկարարական ջոկատից մեկ մարտական հաշվարկ:
Փրկարարները բացել են բնակարանի դուռը և հյուրասենյակի հատակին հայտնաբերել Գ.Բ.-ի (ծնված 1994 թ.) դին:
Ավելի վաղ՝ առավոտյան ժամը 11:50-ին էլ ԱԻՆ փրկարար ծառայության 9-11 օպերատիվ կառավարման կենտրոնն ահազանգ է ստացել, որ Նոր Նորք վարչական շրջանի 8-րդ զանգվածի շենքերից մեկի բնակարանի բնակիչը տևական ժամանակ չի արձագանքում դռան և հեռախոսազանգերին, դուռը բացելու համար անհրաժեշտ է փրկարարների օգնությունը։
Փրկարարները բացել են դուռը և հյուրասենյակում՝ բազմոցի վրա, հայտնաբերել են տանտիրուհու դին։ Նրա բերանը կպչուն ժապավենով փակված է եղել։
