10.10.2026 | 13:16
Վանաձորում, Հրազդանում, Արարատում և Գյումրիում փոշու պարունակությունը գերազանցել է թույլատրելի սահմանը
ՀՀԿ-ի գույքի ու ֆինանսական միջոցների գոյացման օրինականության վերաբերյալ ՀՔԱՎ-ի հաղորդման հիման վրա քրգործ չի հարուցվել. ՀՔԱՎ
Հասարակություն
05.04.2019 | 20:38
ՀՔԱՎ-ից տեղեկացնում են, որՈստիկանության Կենտրոնական բաժնում ՀՀԿ-ի գույքի ու ֆինանսական միջոցների գոյացման օրինականության վերաբերյալ ՀՔԱ Վանաձորի հաղորդումը 4 ամիս ուսումնասիրելուց հետո պարզել են, որ հաղորդումը հանցագործության մասին տեղեկատվություն չի պարունակում։
Այս մասին ՀՔԱ Վանաձորի գրասենյակին 2019թ․ փետրվարի 11-ին թվագրված գրությամբ հայտնել է Կենտրոն և Նորք-Մարաշ վարչական շրջանների դատախազության ավագ դատախազ Հ․ Խաչատրյանը՝ ամիսներ առաջ ներկայացված հանցագործության մասին հաղորդման ճակատագրի մասին տեղեկություն ստանալու՝ ՀՔԱՎ-ի հարցումից հետո։
2018թ. նոյեմբերի 2-ին ներկայացրած հաղորդման մեջ ՀՔԱ Վանաձորի գրասենյակը վկայակոչել էր 2017թ. ապրիլին կայացած խորհրդարանական ընտրությունների ժամանակ 20 տարի կառավարող կուսակցություն եղած ՀՀԿ-ի ներկայացրած հայտարարագրերը, որոնցից ակնհայտ էր դառնում, որ ՀՀԿ-ն ունի 3 անգամ ավելի ֆինանսական ու գույքային ռեսուրսներ, որքան ՀՀ-ում գործող մյուս բոլոր կուսակցությունները միասին վերցրած, և դրանք տեղակայված են ՀՀ ողջ տարածքում:
