02.07.2026 | 22:37
Վթարային ջրանջատում` Արարատի մարզում
Նախորդ ռեժիմից ժառանգություն ստացած բազմաթիվ հարցեր Կառավարության կողմից խորապես չեն ուսումնասիրվել․ չի հնչել քաղաքական գնահատական․ Զարուհի Հովհաննիսյան․ ՏԵՍԱՆՅՈՒԹ
Հասարակություն
05.04.2019 | 13:34
Առանց ակտիվ քաղաքացիական հասարակության դժվար է պատկերացնել մի պետություն, որն առաջընթաց է արձանագրել մարդու իրավունքների և ժողովրդավարության ճանապարհին, ուստի հասարակական կազմակերպությունները կարևորագույն դերակատարում ունեն պետության պարտականությունների կատարման մշտադիտարկման հարցում։
Այս մասին այսօր Ազգային ժողովում մեկնարկած «Մարդու իրավունքների ազգային օրակարգ. ՄԱԿ-ի համընդհանուր պարբերական դիտարկում» թեմայով խորհրդարանական լսումների ժամանակ ասաց իրավապաշտպան Զարուհի Հովհաննիսյանը՝ թվարկելով նախորդ տարիներին մարդու իրավունքների ոլորտում արձանագրված բազմաթիվ խախտումներ, որի վերջնակետն էլ դարձավ հասարակական հզոր ընդվզումը։
«Այժմ հետհեղափոխական շրջանում քաղաքացիական հասարակության դերը խիստ կարևոր է ժողովրդական ինստիտուտների կայացման, դատաիրավական համակարգի վերակազմակերպման, մարդկանց խախտված պայքարի վերականգնման, կոռուպցիայի դեմ համակարգային պայքարի, հակախտրական և ներառական պատկերացումների, գենդերային հավասարությանը հասնելու ճանապարհին։ Նախորդ ռեժիմից ժառանգություն ստացած բազմաթիվ հարցեր Կառավարության կողմից դեռևս խորապես ուսումնասիրված չեն և չի հնչել նաև քաղաքական գնահատական նախորդ ռեժիմին ուղղված»,- ասաց Հովհաննիսյանը՝ Ազգային ժողովին կոչ անելով քայլ անել և հնչեցնել այդ քաղաքական գնահատականը։
Մանրամասները՝ տեսանյութում։
Աղավնի Սուքիասյան
