13.08.2026 | 13:15
«Սուս նստե՛ք տեղներդ»․ Էդգար Ղազարյանը՝ ՔՊ-ականներին. ՏԵՍԱՆՅՈՒԹ
Մանվել Գրիգորյանի դեմ գործում ցուցմունքներ չկան. պաշտպան
Հասարակություն
04.04.2019 | 16:57
Վերաքննիչ քրեական դատարանում ԱԺ նախկին պատգամավոր Մանվել Գրիգորյանի պաշտպանների բողոքի քննությունը Առաջին ատյանի դատարանի որոշման դեմ հետաձգվեց:
Գործին ներգրավվել էր նոր դատախազ, որը գործի նյութերին ծանոթանալու համար դատարանից ժամանակ էր խնդրել:
Մանվել Գրիգորյանի պաշտպաններից Արսեն Մկրտչյանը լրագրողների հետ զրույցում ասաց, որ գործի նյութերին ծանոթանալիս համոզվել է, որ Մանվել Գրիգորյանին առաջադրված մեղադրանքը հիմնազուրկ է:
Հստակեցնող հարցին, թե գործի նյութերում ցուցմունքներ կան Մանվել Գրիգորյանի դեմ, պաշտպանն ասաց, որ ոչ:
Հիշեցնենք, որ Մանվել Գրիգորյանը մեղադրվում է ապօրինի կերպով զենք-զինամթերք պահելու, 101.232.917 ՀՀ դրամի գույք յուրացնելու, 1.228.176.342 ՀՀ դրամի հարկերի վճարումից խուսափելու, պետական միջոցներից 1.225.003.300 ՀՀ դրամ վատնելու և շորթմամբ 37․101․100 ՀՀ դրամ արժողությամբ գույքի հափշտակությունը կազմակերպելու համար:
Լիլիթ Շաբոյան
