09.06.2026 | 20:55
Հայաստանի հավաքականը բաց թողեց հաղթանակը Մոլդովայի դեմ խաղում
Մանվել Գրիգորյանը դատարան չի եկել. նա դեռևս քաղաքացիական հիվանդանոցում է
Հասարակություն
04.04.2019 | 16:09
Վերաքննիչ քրեական դատարանում ընթանում է ԱԺ նախկին պատգամավոր Մանվել Գրիգորյանի պաշտպանների բողոքի քննությունը Առաջին ատյանի դատարանի որոշման դեմ:
Առաջին ատյանի դատարանը դեռևս մարտ ամսին որոշում էր կայացրել ևս երկու ամսով երկարաձգել Մանվել Գրիգորյանի կալանքը:
Պաշտպանները լրագրողների հետ զրույցում ասացին, որ Մանվել Գրիգորյանը գտնվում է քաղաքացիական հիվանդանոցում և այսօրվա նիստին չի ներկայանալու:
Հիշեցնենք, որ Մանվել Գրիգորյանը մեղադրվում է ապօրինի կերպով զենք-զինամթերք պահելու, 101.232.917 ՀՀ դրամի գույք յուրացնելու, 1.228.176.342 ՀՀ դրամի հարկերի վճարումից խուսափելու, պետական միջոցներից 1.225.003.300 ՀՀ դրամ վատնելու և շորթմամբ 37․101․100 ՀՀ դրամ արժողությամբ գույքի հափշտակությունը կազմակերպելու համար:
Լիլիթ Շաբոյան
