16.12.2025 | 16:30
Փոշի, կեղտ, չկառուցված․ Խաչատուր Սուքիասյանը՝ Կենտրոնի մասին․ ՏԵՍԱՆՅՈՒԹ
Նպատակահարմար չենք համարում մի հատ էլ կինոյի սեփական օր ունենալ․ գործադիրը մերժեց Նաիրա Զոհրաբյանի առաջարկը․ ՏԵՍԱՆՅՈՒԹ
Քաղաքականություն
04.04.2019 | 13:58
Ազգային ժողովի «Բարգավաճ Հայաստան» խմբակցության պատգամավոր Նաիրա Զոհրաբյանը Կառավարությանն է ներկայացրել որոշման նախագիծ, որով առաջարկում է փոփոխություն կատարել «Հայաստանի Հանրապետության տոների և հիշատակի օրերի մասին» օրենքում՝ ապրիլի 16-ը սահմանելով որպես հայ կինոյի օր։
Կառավարությունը բացասական եզրակացություն տվեց պատգամավորի ներկայացրած օրենսդրական նախաձեռնությանը այն հիմնավորմամբ, որ մշակույթի ոլորտում, ի թիվս այլ միջազգայնորեն ընդունված տոների և մասնագիտական նշանակալի օրերի, արդեն իսկ կա կինոյի միջազգային օրը (դեկտեմբերի 28) և կարծում են, որ այդ շրջանակներում կարելի է անդրադառնալ հայ կինոյին՝ միաժամանակ արժևորելով այն միջազգային կինոժառանգության համատեքստում:
Այս նախագծի վերաբերյալ էլ ՀՀ ոստիկանապետ Վալերի Օսիպյանը Կառավարության անդամներին հիշեցրեց, որ ապրիլի 16-ը նշվում է որպես Ոստիկանության օր։
Վարչապետ Փաշինյանն էլ հավելեց՝ «Այսինքն ամրագրում ենք, որ նպատակահարմար չենք համարում մի հատ էլ կինոյի սեփական օր ունենալ՝ մանավանդ որ ինտեգրվելը կինոյի միջազգային օրվան շատ ավելի խելամիտ կլինի»։
Մանրամասները՝ տեսանյութում։
Աղավնի Սուքիասյան
