Հայտնի է ԱԺ-ում բռնկված հրդեհի նախնական վարկածը. ՏԵՍԱՆՅՈՒԹ

Ազգային ժողովում բռնկված հրդեհի պատճառը, ըստ նախնական վարկածի, էլեկտրաէներգիայի հաղորդագծերն են եղել: Այս մասին մեզ հետ զրույցում ասաց ԱԺ աշխատակազմի ղեկավարի տեղակալ Լիլիթ Մինասյանը:

«Այլ տեղեկություն չենք կարող իմանալ, արտաքին տեսքից էլ չենք կարող եզրակացնել: Դեռ փորձաքննություն է ընթանում, որ հասկանանք, թե ինչ է կատարվել: Այս սենյակում հեռախորդակցության բաժնի պետի տեղակալի աշխատասենյակն է եղել»,- ասաց Լիլիթ Մինասյանը:

Հիշեցնենք, որ ապրիլի 4-ին, ժամը 01:38-ին «911» ծառայությանն ահազանգ է ստացվել, որ Երևան քաղաքի Ազգային ժողովի շենքի 1-ին հարկում հրդեհ է բռնկվել: Այս մասին ՀՀ արտակարգ իրավիճակների նախարարությունից տարածած հաղորդագրության մեջ ասված է. «Հրդեհի բարդության «թիվ 2» կանչով դեպքի վայր են մեկնել ԱԻՆ ՓԾ հրշեջ-փրկարարական ջոկատից վեց մարտական հաշվարկ և Ճգնաժամային կառավարման ազգային կենտրոնի արտակարգ իրավիճակների արձագանքման խումբը: Պարզվել է, որ հրդեհը բռնկվել է Բաղրամյան 19 հասցեում գտնվող Ազգային ժողովի 1-ին մասնաշենքի 1-ին հարկում՝ «ԱԺ շենքերի բարեկարգման և սպասարկման բաժնին» պատկանող թիվ 139 աշխատասենյակում։ Հրդեհը մեկուսացվել է ժամը 01:57-ին, մարվել՝ 02:05-ին: Բաժնի պետի տեղակալ Վ.Բ.-ին պատկանող աշխատասենյակում (18 քմ) ամբողջությամբ այրվել է գրասենյակային գույքը (1 սառնարան, 1 գրասեղան, 1 ամսագրային սեղան, 4 աթոռ, 1 բազմոց, 1 պահարան, 1 պատուհան և 2 համակարգիչ): Պատահարի հետևանքով տուժածներ չկան»:

Մանրամասները՝ տեսանյութում:

Նարեկ Կիրակոսյան