17.11.2024 | 16:37
Գործադիրը խորհրդարան է ներկայացրել փաթեթ՝ հիմքում դնելով բարձր տեխնոլոգիական ոլորտի աջակցությունը․ ԱԺ․ ՏԵՍԱՆՅՈՒԹ
Երկրում չի կարող լինել մի քանի արտաքին քաղաքականություն, կարող է լինել մեկը, որը վարում և մշակում է Կառավարությունը․ ՀՀ վարչապետ․ ՏԵՍԱՆՅՈՒԹ
Քաղաքականություն
04.04.2019 | 12:23
Կառավարությունը ապրիլի 4-ի նիստում ընդունեց որոշման նախագիծ, որով առաջարկվում է փոփոխություն կատարել «Դիվանագիտական ծառայության մասին» ՀՀ օրենքում։
Առաջարկվող փոփոխությամբ՝ կարգավորվում են Հայաստանի Հանրապետության արտաքին գործերի նախարարությունից վարչապետի աշխատակազմ և պետական կառավարման համակարգի մարմիններ գործուղման իրավահարաբերությունները։
Այս կարգավորմամբ դիվանագիտական ծառայություն իրականացնող անձինք կպահպանեն իրենց դիվանագիտական ծառայողի կարգավիճակը՝ Արտաքին գործերի նախարարությունից պետական կառավարման համակարգի մարմիններ, Հանրապետության նախագահի և Ազգային ժողովի աշխատակազմեր գործուղումների դեպքում։
Նախագծի վերաբերյալ վարչապետ Նիկոլ Փաշինյանը նշեց, որ այն շատ կարևոր է այն առումով, որ Սահմանադրության 146 հոդվածի համաձայն Կառավարությունը մշակում և իրականացնում է պետության ներքին և արտաքին քաղաքականությունը։
Ըստ Փաշինյանի՝ Կառավարությունը գործուղված պաշտոնյաների միջոցով պետք է կարողանա իրականացնել արտաքին քաղաքական գործողությունների միասնականությունը, որը պետք է համապատասխան լինի Կառավարության որդեգրած քաղաքականությանը։
«Ակնհայտ է, որ երկրում չի կարող լինել մի քանի արտաքին քաղաքականություն, կարող է լինել մեկը, որը վարում և մշակում է Կառավարությունը»,-ասաց նա։
Մանրամասները՝ տեսանյութում։
Աղավնի Սուքիասյան
