02.07.2026 | 17:34
Արմեն Մուրադյանը նշանակվեց բժշկական համալսարանի ռեկտոր․ ՏԵՍԱՆՅՈՒԹ
2019 թ. 1-ին եռամսյակի հավաքագրումները գերակատարել ենք 11․4 մլրդ դրամով․ Դավիթ Անանյան. ՏԵՍԱՆՅՈՒԹ
Տնտեսություն
03.04.2019 | 15:46
Մենք որոշել ենք, որ մեր հանդիպումները ԶԼՄ-ների մեր գործընկերների հետ պետք է կազմակերպենք երեք ամիսը մեկ և ներկայացնենք այն ցուցանիշները, որոնք մեծ հետաքրքրություն են վայելում հանրության շրջանակում։
Այս դիտարկմամբ այսօր սկսեց հրավիրված մամուլի ասուլիսը Պետական եկամուտների կոմիտեի նախագահ Դավիթ Անանյանը՝ լրագրողների ուշադրությունը հրավիրելով առաջին հերթին եռամսյակային համամասնությունների վրա։
«Կառավարության որոշմամբ՝ 2019 թվականի պետական բյուջեի եկամուտների համար սահմանվել է 1 տրիլոն, 401 մլրդ, 875 մլն դրամ հարկային եկամուտներ և պետական տուրքեր, որոնք, ըստ էության, հաշվարկվում են մակրոտնտեսական ցուցանիշների հիման վրա, հետևաբար այդ գումարը ՀՆԱ-հարկեր հարաբերակցության արդյունքում ստացված թիվ է։ Այնուհետև այդ թիվը Կառավարության որոշմամբ բաժանվել է եռամսյակների և առաջին եռամսյակի ծրագրային համամասնությունը սահմանված է 285 1 մլրդ, սակայն փաստացի հավաքագրումը կազմել է 296,5 մլրդ, այսինքն՝ սահմանված չափանիշը գերակատարվել է 11,4 մլրդ դրամով կամ 4 տոկոսով»,- ՊԵԿ հավաքագրումների ցուցանիշները ներկայացրեց Դավիթ Անանյանը։
Համեմատելով այս ցուցանիշը 2018 թվականի նույն ժամանակահատվածի առաջին եռամսյակի հետ, Անանյանը նշեց, որ հարկային եկամուտներն ավելացել են 55,5 մլրդ դրամով, մաքսային եկամուտները՝ 2․8 մլրդ դրամով։
«Հիպոթեքային վարկերի եկամտահարկի վերադարձն էլ 2019 թվականի առաջին եռամսյակում կազմել է 26 մլրդ դրամ, նախորդ տարվա 19 մլրդ դրամի փոխարեն»,- հավելեց ՊԵԿ նախագահը։
Մանրամասները՝ տեսանյութում։
Աղավնի Սուքիասյան
