18.05.2026 | 23:01
Մարդը, ով ասում էր՝ մեր երկրում կա 3 մլն վարչապետ, կորցրել է ինքնատիրապետումը. Սամվել Կարապետյանը՝ Փաշինյանի մասին. ՏԵՍԱՆՅՈՒԹ
ՀՀ-ն անվտանգություն սպառող երկրից դարձել է անվտանգություն պարտադրող երկիր. Ազատ Արշակյան. ՏԵՍԱՆՅՈՒԹ
Քաղաքականություն
01.04.2019 | 16:04
Ես համարում եմ, որ Վիեննայում շատ արդյունավետ հանդիպում է եղել: Ապրիլի 1-ին հրավիրված ասուլիսում նման տեսակետ հայտնեց ՀՀ Գերագույն խորհրդի նախկին պատգամավոր Ազատ Արշակյանը՝ մեկնաբանելով ԵԱՀԿ Մինսկի խմբի համանախագահների նախաձեռնությամբ Վիեննայում տեղի ունեցած Փաշինյան-Ալիև հանդիպումը:
«Եթե 100 տարի էլ պահպանվի ստատուս քվոն, դրանից հետո արդեն դա կդառնա պատմաբանների խնդիրը, ինչպես հիմա շատ երկրներում շատ տարածքային վեճեր կան»,- հավելեց նա:
Ինչ վերաբերում է պաշտպանության նախարար Դավիթ Տոնոյանի՝ ԱՄՆ այցին, Ազատ Արշակյանը սա շատ կարևոր իրադարձություն է համարում. «Սկսենք նրանից, որ ՀՀ պաշտպանության նախարարը հրավիրված էր՝ մասնակցելու ՄԱԿ-ի հովանու ներքո խաղաղարարության կոնֆերանսին: Դա բացառիկ բան է, որովհետև Հայաստանի Զինված ուժերի կարգավիճակը և ՀՀ-ի կարգավիճակն աշխարհում էապես փոխվել է, բարելավվել է: Մենք անվտանգություն սպառող երկրից դարձել ենք անվտանգություն թելադրող, պարտադրող և պաշտպանող երկիր: Այդքան բարձր կարգավիճակով էր մեր երկրի պաշտպանության նախարարը հրավիրված ՄԱԿ»:
Ըստ նրա՝ առիթից օգտվելով՝ Դավիթ Տոնոյանը հայ համայնքին, Հայաստանի և Արցախի քաղաքացիներին տեղյակ պահեց, որ «մենք արդեն այլ կարգավիճակ ունենք, Հայաստանն արդեն այնքան է պաշտպանված, որ հակառակորդը չի կարող դա հաղթահարել»:
«Այսինքն՝ գլխավոր խնդիրը Հայաստանի սահմանների անվտանգությունը, մենք ապահովել ենք: Բայց քանի որ մենք արդեն ՄԱԿ-ի կողմից ճանաչվել ենք որպես ազատություն և արդարություն պարտադրող երկիր, մենք արդեն կարող ենք հակառակորդին իր տարածքում պարտադրել խաղաղություն: Իսկ մեզ համար էլ ասաց, որ հերիք է պաշտպանվենք, կարող ենք հարձակվել»,- ասաց նա:
Մանրամասները՝ տեսանյութում:
