10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
«Ես չեմ մեկնաբանի». Մակունցը՝ իր նախարար աշխատելու օրոք Օրբելյանի ազատման որոշումը կայացնելու մասին. ՏԵՍԱՆՅՈՒԹ
Մշակույթ
01.04.2019 | 15:52
Որպես նախկին մշակույթի նախարար՝ կոռեկտ չեմ համարում որևէ մեկնաբանություն անել: ԱԺ-ում լրագրողների հետ զրույցում ասաց «Իմ քայլը» խմբակցության ղեկավար Լիլիթ Մակունցը՝ անդրադառնալով Օպերայի և բալետի ազգային ակադեմիական թատրոնի տնօրենի պաշտոնից Կոնստանտին Օրբելյանի ազատման շուրջ ստեղծված աղմուկին: Անդրադառնալով իր և Օրբելյանի հեռախոսազրույցին՝ Մակունցն ասաց. «Իմ և պարոն Օրբելյանի արվեստագետ ընկներներից մեկն ինձ տեղեկացնում է, որ պարոն Օրբելյանն իրեն լավ չի զգում, և լավ կլինի, որ ես իրեն զանգահարեմ: Ես զանգահարում եմ պարոն Օրբելյանին, նա ասում է, թե ի՞նչ է տեղի ունեցել»:
Մակունցն Օրբելյանի հետ զրույցում ասել է, որ նրա ազատման որոշումից տեղյակ չի եղել, միաժամանակ նշել է, որ որևէ միջամտություն չի ցուցաբերելու: Լրագրողի հարցին՝ տեղեկություններ կան, որ Օրբելյանի ազատման որոշումը կայացվել է դեռ այն ժամանակ, երբ ինքն էր մշակույթի նախարարը, Մակունցն ասաց. «Ես չեմ մեկնաբանի»:
Մանրամասները՝ տեսանյութում:
Նարեկ Կիրակոսյան
