«Տնտեսական ակտիվիստները» ի՞նչ աջակցություն կստանան կառավարությունից. Տիգրան Խաչատրյանի պարզաբանումը. ՏԵՍԱՆՅՈՒԹ

Հայաստանի տնտեսությունում կատարվող ներդրումների ներկա ծավալը հեռու է իշխանության նպատակադրած մակարդակից։ Դա երևում է Factor.am-ի հետ զրույցում Տնտեսական զարգացման և ներդրումների նախարար Տիգրան Խաչատրյանի կողմից ներկայացրած թվային պատկերից․ «Հայաստանի Կառավարության հնգամյա ծրագրով ՀՆԱ-ի նկատմամբ 23% հիմնական միջոցների ներդրումները յուրաքանչյուր տարի այն ցուցանիշն է առնվազն, որ պետք է արձանագրվի կառավարության ծրագրային ժամականահատվածի ավարտին։ Մենք այսօր ունենք 17%-ից ցածր ցուցանիշ։ Եթե մենք չենք ապահովելու 23-ից 25% ցուցանիշ, դա նշանակում է, որ վտանգված է Հայաստանի տնտեսության երկարաժամկետ զարգացման ապագան։ Այսօր կան ռիսկեր, որոնք պայմանավորված են եղել նրանով, որ այս և նախորդ տարիներին մասնավոր հատվածների հիմնական միջոցներում կատարվող ներդրումների մակարդակը բավարար բարձր չի եղել»։

Նախարարի խոսքով՝ կառավարությունն ամեն ինչ անելու է, որ Հայաստանի տնտեսությունում ներդրում կատարելը մասնավոր բիզնեսի համար լինի շահավետ։ Վարչապետ Նիկոլ Փաշինյանը պարբերաբար քաղաքացիներին «տնտեսական ակտիվիստ» դառնալու կոչ է անում։

Factor.am-ը նախարարից հետաքրքրվեց՝ ինչպե՞ս է Կառավարությունը աջակցելու տնտեսական ակտիվիստներին․ «Երբ խոսում եք հասարակ, փոքր բիզնեսի մասին, ապա կարևոր է, որ յուրաքանչյուր քաղաքացի հասկանա, թե ինչ հնարավորություններ կան։ Մենք այսօր ունենք մի քանի տիպիկ հնարավորություններ, որոնք վերաբերվում են փոքր բիզնեսի զարգացմանը Երևանից դուրս։ Երևանում կենտրոնացած է տնտեսություն 2/3-րդը, բնակչության կեսից ավելին գտնվում է մայրաքաղաքից դուրս։ Պետությունն օգնում է առողջ ձեռնարկատիրական գաղափարներն իրականացնելու՝ ֆինանսական միջոցներով։ Մենք ունենք Փոքր և միջին ձեռնարկատիրության զարգացման հիմնադրամ, որը նախ մեկամսյա ժամանակահատվածում դասընթաց է կյազմակերպում անձանց համար, որոնք, թվում է, ունեն գաղափար, թե ինչով են ուզում զբաղվել։ Արդյունքում ընտրվում են առավել կենսունակ ծրագրերը, և հիմնադրամը պետության անունից երաշխիք է տալիս առևտրային բանկերին առանց գրավի ֆինանսավորել այդ ծրագրերը»։

Մանրամասները՝ տեսանյութում:

Ռոբերտ Անանյան