07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Պատերազմի վտանգ ամեն ժամ զգում եմ. Սասուն Միքայելյան. ՏԵՍԱՆՅՈՒԹ
Քաղաքականություն
28.03.2019 | 13:11
Ի՞նչ լարված իրավիճակ, ՔՊ-ն ի՞նչ գործ ունի «Երկրապահում»: ԱԺ-ում Factor.am-ի հետ զրույցում ասաց Սասուն Միքայելյանը՝ անդրադառնալով մամուլի հրապարակումներին, թե ԵԿՄ-ում ներքին լարվածություն կա, քանի որ Սասուն Միքայելյանը ՔՊ-ականներին ներգրավում է ԵԿՄ-ականների շարքերում:
«ՔՊ-ն ի՞նչ գործ ունի, որ ես ներգրավեմ: Ժամանակը կգա, կտեսնեք: Եթե ես ընտրվեմ վարչության նախագահ, և վարչությունը ձևավորվի, կտեսնեք»,- ասաց նա:
Ինչ վերաբերում է Մեղրիի զորամասերից մեկում տեղի ունեցած միջադեպին, Factor.am-ը Սասուն Միքայելյանից հետաքրքրվեց՝ ինչո՞ւ է բանը հասել նրան, որ զորամասում զինվորը ծաղկամանում կանեփ է աճեցնում: «Նման բաները պետք է ընդհանրապես արմատախիլ արվեն: Նոր իրողություններում հնարավոր չէ ամեն ինչ արմատախիլ անել: Ժամանակի ընթացքում կվերանան»,- պատասխանեց պատգամավորը:
Պատերազմի վերսկսման վտանգի մասին հարցին ի պատասխան էլ՝ Սասուն Միքայելյանն ասաց. «Պատերազմի վտանգ ամեն ժամ զգում եմ: Մենք պետք է պատրաստ լինենք պատերազմի: Ես չեմ ասում, որ պատերազմ է լինելու, բայց մենք պետք է միշտ պատրաստ լինենք»:
Մանրամասները՝ տեսանյութում:
Նարեկ Կիրակոսյան
