07.08.2026 | 22:57
Որ երկրներից են 2026-ին ամենաշատ զբոսաշրջիկներն այցելել Հայաստան․ հրապարակվել են տվյալները
Ձախողել ենք․ Արման Բաբաջանյանը՝ ՀԱՊԿ գլխավոր քարտուղարի պաշտոնը պահելու մասին․ ՏԵՍԱՆՅՈՒԹ
Քաղաքականություն
28.03.2019 | 12:56
Ազգային ժողովի «Լուսավոր Հայաստան» խմբակցության պատգամավոր Արման Բաբաջանյանն այսօր խորհրդարանում իր ելույթի ժամանակ անդրադարձավ Կառավարության ներկայացրած կատարողականի արտաքին բաղադրիչին՝ նշելով, որ գործադիրի արտաքին քաղաքականությունն այնքան էլ հեղափոխական չէ։
«Մտահոգիչ է արտաքին քաղաքականություն մշակողների և իրագործողների շրջանում գերակշռող նախկին իներցիան և կրավորականությունը։ Ացախը բանակցասյին սեղան վերադարձնելու վարչապետ Փաշինյանի հայտարարությունը, որը նա արել է ընտրվելու հենց հաջորդ օրը, կյանքի կոչելու համար պահանջվում է մեծածավալ քաղաքական ու դիվանագիտական աշխատանք ինչպես ԵԱՀԿ Մինսկի խմբի անդամ պետությունների, այնպես էլ Մինսկի կոնվենցիայի երկրների, տարածաշրջանում շահեր ունեցող պետությունների հետ և ահա այդ աշխատանքն է, որը մենք չենք տեսել նախորդ տարի»,- ասաց Բաբաջանյանը՝ նշելով, որ այդ աշխատանքի բացակայությունն է, որը ծնում է այնպիսի ռիսկեր, ինչպիսին կարելի է համարել ԵԱՀԿ Մինսկի խմբի համանախագահների վերջին հայտարարությունը։
Պատգամավորն անդրադարձավ նաև հայ-ռուսական հարաբերություններին՝ նշելով, որ շարունակվեց պահպանվել անվստահության մթնոլորտը։
«Անկախ զարգացումներից պետք է արձանագրենք՝ ձախողել ենք մինչև 2020 թվականը մեզ վերապահված ՀԱՊԿ գլխավոր քարտուղարի պաշտոնը պահելու հարցը»,- ասաց ԼՀԿ-ական պատգամավորը։
Մանրամասները՝ տեսանյութում։
Աղավնի Սուքիասյան
