05.11.2024 | 14:28
Վարչական դատավարության և դատական ակտերի հարկադիր կատարման ոլորտի համակարգային խնդիրները. ՈՒՂԻՂ
600 հազար ոչխար արտահանելու պահանջարկ կա, ինչո՞ւ դա չենք ապահովում․ Նիկոլ Փաշինյան․ ՏԵՍԱՆՅՈՒԹ
Տնտեսություն
28.03.2019 | 11:19
Ազգային ժողովի ԼՀԿ-ական պատգամավոր Սարգիս Ալեքսանյանն այսօր խորհրդարանում վարչապետից հետաքրքրվեց՝ արդյոք Կառավարությունը փոխհատուցում կտրամադրի՞ Տավուշի մարզում վերջերս անկում ապրած 1500 գլուխ խոզի դիմաց և արդյոք հայտնի՞ են անկման պատճառները։
Ի պատասխան վարչապետը նշեց, որ կան համապատասխան ընթացակարգեր, եթե պարզվի, որ անհրաժեշտ է փոխհատուցում, ապա փոխհատուցում կտրվի՝ նշելով, որ խնդիրը գտնվում է Տավուշի մարզպետարանի ուշադրության կենտրոնում։
Սակայն վարչապետը ուշադրություն հրավիրեց մեկ այլ խնդրի վրա, ըստ որի, խոզի և տավարի միսն անմրցունակ են, փոխարենն ունենք 600 հազար գլուխ ոչխարի արտահանման պահանջարկ։
«Հայաստանում արտադրվող մսի տեսակներից ոչխարի միսն ամենամրցունակն է միջազգային շուկայում․ հիմա հարց՝ ինչո՞ւ այդ 600 հազար գլխաքանակը չի ապահովվում, որն ավելի շահութաբեր է։ Մենք պետք է այս հարցն ուսումնասիրենք և հասկանանք՝ ինչ է կատարվում»,- նշեց Փաշինյանը։
Մանրամասները՝ տեսանյութում։
Աղավնի Սուքիասյան
