07.05.2024 | 23:30
ԵԽ-ն Թուրքիային կոչ է անում ազատ արձակել կալանավորված լրագրողներին
Վարդան Արամյանը լքել է «Հանրապետական» կուսակցությունը
Քաղաքականություն
27.03.2019 | 20:17
Ֆինանսների նախկին նախարար Վարդան Արամյանը լքել է Հայաստանի Հանրապետական կուսակցությունը: Տեղեկությունը Factor.am-ի հետ զրույցում հաստատեց Վարդան Արամյանը:
«Քանի որ համագործակցում եմ Արժույթի միջազգային հիմնադրամի և Համաշխարհային բանկի հետ, ես այնտեղ ստորագրել եմ պարտավորագիր, որն ինձ թույլ չի տալիս քաղաքական մեկնաբանություններ անել»,- ասաց նա:
Հստակեցնող հարցին՝ ֆինանսների նախարարի պաշտոնից դուրս գալու պահի՞ն է դադարեցրել անդամակցությունը ՀՀԿ-ին, Վարդան Արամյանը դրական պատասխան տվեց:
Նշենք, որ Վարդան Արամյանը ֆինանսների նախարար էր նշանակվել 2016 թվականին, երբ ՀՀ վարչապետի պաշտոնը զբաղեցրեց Կարեն Կարապետյանը: Հեղափոխությունից հետո նա հեռացավ պաշտոնից:
Նարեկ Կիրակոսյան
