06.06.2026 | 16:10
Դատախազությունը զգուշացնում է՝ վարժական հավաքից խուսափելը հանցագործություն է. այն պատժվում է 1-3 տարի ժամկետով ազատազրկմամբ
ԵԱ. Սամվել Տեր-Սահակյանը կես միավոր է հետ առաջատարներից
26.03.2019 | 15:10
Մակեդոնիայի մայրաքաղաք Սկոպյեում անցկացվող շախմատի տղամարդկանց Եվրոպայի անհատական առաջնության 7-րդ տուրում Հայաստանի ներկայացուցիչներից հաղթել են Սամվել Տեր-Սահակյանը եւ Սերգեյ Մովսեսյանը. փոխանցում է ՀԱՕԿ-ը:
Հրանտ Մելքումյանի եւ Մանուէլ Պետրոսյանի միջեւ պարտիան հաղթող չի ունեցել, կեսական միավոր են վաստակել նաեւ Ռոբերտ Հովհաննիսյանը, Հայկ Մարտիրոսյանը, Շանթ Սարգսյանը եւ Հայաստանի նորընծա չեմպիոն Արման Փաշիկյանը: Նախավերջին տուրից առաջ Սամվել Տեր-Սահակյանը հավաքել է 5.5 միավոր եւ կեսական միավոր է հետ 4 առաջատարներից:
Հայաստանի ներկայացուցիչներից երկրորդ արդյունքն ունի Սերգեյ Մովսեսյանը՝ 5 միավոր: Հիշեցնենք, որ Եվրոպայի առաջնության գլխավոր մրցավարն է Աշոտ Վարդապետյանը:
