ԿԽՄԿ-ն ցանկանում է երկարաձգել ՀՀ ԱԻՆ-ի հետ փոխըմբռնման հուշագրի գործողության ժամկետը

Քաղաքականություն

25.03.2019 | 22:15

Լուրեր

14.12.2025 | 21:40

Ոստիկանությունը ձերբակալել է Բրաունի համալսարանում կրակ բացելու մեջ կասկածվողին

14.12.2025 | 20:34

Դեկտեմբերի 15-ին Արարատ Միրզոյանն աշխատանքային այցով գտնվելու է Բրյուսելում

14.12.2025 | 20:28

Գլխավոր տոնածառի լույսերը վառվեցին

14.12.2025 | 19:26

Մրգի խանութի սեփականատերը զինաթափել է Սիդնեյի լողափին մարդկանց վրա կրակողներից մեկին

14.12.2025 | 18:20

Թաիլանդն ու Կամբոջան շարունակում են ռազմական գործողությունները

14.12.2025 | 17:25

Իրավիճակը ճանապարհներին՝ 17։15-ի դրությամբ

14.12.2025 | 16:37

Ֆիշինգը թիվ 1 կիբեռսպառնալիքն է այսօր․ Մխիթար Հայարապետյան

14.12.2025 | 16:13

ՀԱԿ նախագահ է վերընտրվել Լևոն Տեր-Պետրոսյանը

14.12.2025 | 15:42

Կյանքից հեռացել է մանկական վիրաբույժ Ավթանդիլ Հարությունյանը

14.12.2025 | 15:17

Ուկրաինան հարվածել է Ուրյուպինսկի նավթաբազային և Յարոսլավլի նավթավերամշակման գործարանին

14.12.2025 | 14:50

10 մարդ է զոհվել Սիդնեյի Բոնդի-Բիչ լողափում Հանուկայի տոնակատարության ժամանակ տեղի ունեցած հրաձգության հետևանքով

14.12.2025 | 14:02

Մառախուղ, քամու ուժգնացում․ օդի ջերմաստիճանը կնվազի

14.12.2025 | 13:41

Անհայտ անձինք կրակ են բացել Ավստրալիայի լողափում

14.12.2025 | 13:28

Բռնցքամարտի Հայաստանի հավաքականը պատմական արդյունքով է վերադարձել հայրենիք

14.12.2025 | 13:11

ՀՀ դրոշ՝ Սուրբ Գևորգ եկեղեցում. Արմավիրի թեմում Փաշինյանի ցանկությունը չեն անտեսել

Բոլորը

ՀՀ արտակարգ իրավիճակների նախարար Ֆելիքս Ցոլակյանը մարտի 25-ին ընդունել է Հայաստանում Կարմիր Խաչի միջազգային կոմիտեի (ԿԽՄԿ) պատվիրակության հայաստանյան գրասենյակի ղեկավար Քլեյ Մեյթրոնին: Ինչպես տեղեկացնում են նախարարության լրատվական ծառայությունից, Կարմիր Խաչի Միջազգային Կոմիտեի նախաձեռնությամբ կազմակերպված հանդիպման նպատակն էր քննարկել համատեղ կյանքի կոչված ծրագրերը և հետագա համագործակցության ուղիները:

Ողջունելով հյուրին՝ նախարարը կարևորեց Կարմիր Խաչի Միջազգային Կոմիտեի պատվիրակության դերակատարությունը և երկու կառույցների միջև համագործակցությունը՝ որպես քաղաքակրթական բարձր արժեքների պահպանմանն ուղղված կարևոր և անհրաժեշտ գործունեություն:

Երկկողմ համագործակցության համատեքստում ԱԻ նախարարն ընդգծեց ԿԽՄԿ-ի և ԱԻՆ-ի միջև իրականացված ծրագիրը՝ շնորհակալություն հայտնելով պատվիրակությանը կատարված ծավալուն աշխատանքի և զգալի ջանքերի ներդրման համար:

Ֆելիքս Ցոլակյանը առաջարկեց չսահմանափակվել նախորդ տարիներին կատարված աշխատանքով և առաջարկեց ապահովել ծրագրերի շարունակականություն, փոխգործակցության ակտիվացում և խորացում:

Նախարարը Քլեյ Մեյթրոնին տեղեկացրեց, որ պատրաստվում է օրենքի նախագիծ, որը կսահմանի թե ինչ է աղետը, կհստակեցնի պետական գերատեսչությունների հասցեական պարտականությունները, կսահմանի համապատասխան պաշտոնյաների պատասխանատվությունը:

Նախատեսվում է նաև քաղպաշտպանությունն առանձնացնել Փրկարար ծառայությունից: Ըստ Ֆելիքս Ցոլակյանի՝ նմանօրինակ օրենսդրական կարգավորումների հարցում Հայաստանը կօգտվի Կարմիր խաչի օրինակելի փորձից:

Քլեյ Մեյթրոնը, շնորհակալություն հայտնելով հանդիպման հնարավորության համար, ցանկություն հայտնեց երկարաձգել ԱԻՆ-ի հետ փոխըմբռնման հուշագրի գործողության ժամկետը և խորացնել համագործակցությունը տարբեր ուղղություններով:

ԿԽՄԿ պատվիրակության հայաստանյան գրասենյակի ղեկավարը Ֆելիքս Ցոլակյանին նվիրեց մարդու իրավունքների Ժնեևյան կոնվենցիայի հայերեն թարգմանությունը և առաջարկեց ԿԽՄԿ փորձի փոխանակում՝ օրենսդրության բարելավման, մարդու հիմնարար ազատությունների ապահովման հարցերում:

Քլեյ Մեյթրոնը նաև իր երախտագիտությունը հայտնեց ԱԻՆ-ին երկրաշարժի ժամանակ մարդու ապահով վարքագիծ դրսևորելու հարցում ուսուցողական գործընթացին աջակցելու համար: