12.07.2026 | 14:55
Հայաստանի պատվիրակությունը մասնակցում է ՄԱԿ-ի Կայուն զարգացման բարձր մակարդակի քաղաքական ֆորումին
Ռումինիան որոշել է Իսրայելում դեսպանատունը Երուսաղեմ տեղափոխել. նախագահը քննադատել է վարչապետի որոշումը
Քաղաքականություն
25.03.2019 | 13:07
Ռումինիայի վարչապետ Վիորիկա Դենչիլեն հայտնել է, որ Իսրայելում երկրի դեսպանատունը Թել Ավիվից Երուսաղեմ է տեղափոխվելու: Այս մասին գրում է ՏԱՍՍ-ը՝ վկայակոչելով «Ռումինիայի ռադիոն»:
Նշենք, որ այս հարցն անցյալ տարի Ռումինիայում վիճաբանությունների տեղիք էր տվել: Ապրիլին կառավարությունը դեսպանատունը տեղափոխելու որոշում էր կայացրել, ինչին երկրի նախագահը կտրուկ էր արձագանքել՝ հայտարարելով, որ դա միջազգային իրավունքի, ինչպես նաև ՄԱԿ-ի բանաձևերի խախտում կլինի: Ի պատասխան՝ վարչապետ Դենչիլեն նշել էր, որ որոշումը վերջնական չէ, այլ ընդամենը «երկխոսության հարթակ» է ստեղծում:
Այժմ Ռումինիայի նախագահ Կլաուս Յոհաննիսը հայտարարել է, որ դեսպանատունը տեղափոխելու մասին վարչապետի որոշումը «արտաքին քաղաքականության ոլորտում լիարժեք անգրագիտության» դրսևորում է:
«Իսրայելում Ռումինիայի դեսպանատունը Թել Ավիվից Երուսաղեմ տեղափոխելու մասին որոշումը կընդունվի միայն վերլուծությունից հետո, որը ներկայում արվում է, և միայն բոլոր գերատեսչությունների հավանության դեպքում: Վերջնական որոշումը Ռումինիայի նախագահինն է, որը, Սահմանադրության համաձայն, արտերկրում երկրի ներկայացուցիչն է: Նախագահական վարչակազմը մինչև հիմա չի ստացել վերլուծությունը, որի մասին բազմիցս հայտնել է կառավարությունը»,- ասված է նախագահի աշխատակազմի տարածած հաղորդագրությունում
