10.10.2026 | 13:36
Հայտնաբերվել է զինծառայողի դի՝ հրազենային վնասվածքով․ ՊՆ
Կրակոցներ Սպիտակի Շենավան գյուղում. վիրավորվել են գյուղապետի պաշտոնակատարի հայրն ու որդին. shamshyan.com
24.03.2019 | 11:11
SHAMSHYAN.com-ի տեղեկություններով կրակոցներ են հնչել Լոռու մարզում: Երեկ՝ Ժամը 20:10-ի սահմաններում, Սպիտակի բժշկական կենտրոնից ոստիկանության Սպիտակի բաժին ահազանգ է ստացվել, որ հրազենային վնասվածքներով իրենց մոտ են տեղափոխվել 3 քաղաքացի:
Ոստիկանները պարզել են, որ նշված անձինք հիվանդանոց են տեղափոխվել Շենավան գյուղից:
Սպիտակի հիվանդանոցից վիրավորներից երկուսին տեղափոխել են Վանաձորի բժշկական կենտրոն: Ոստիկանության Լոռու մարզային վարչության և ոստիկանության Սպիտակի ծառայողները՝ սանրելով տարածքը, դեպքի վայրում հայտնաբերել են «Մակարով» տեսակի ատրճանակից և ինքնաձիգից արձակված մի քանի պարկուճ: Ոստիկանները հայտնաբերել են նաև որսորդական հրացանից արձակված գործարանային արտադրության պարկուճներ, ինչպես նաև՝ տարբեր հատվածներում արնանման հետքեր: Դեպքի վայրում հավաքված գյուղացիները, ովքեր հրաժարվեցին տեսախցիկի առջև խոսել, ասում էին. «Վիրավորներն են՝ նույն գյուղի բնակիչներ, 22-ամյա Արմեն Դունամալյանը, 53-ամյա Հայկ Դունամալյանը և 31-ամյա Իշխան Դունամալյանը»:
Իշխանը Շենավան գյուղի նախկին գյուղապետի տղան է, իսկ Հ. Դունամալյանը ներկայիս գյուղապետի ժամանակավոր պաշտոնակատար Անդրանիկ Դունամալյանի հայրն է:
Առավել մանրամասն՝ սկզբնաղբյուր կայքում:
