16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Մարդիկ երեք ամիս է աշխատավարձ չեն ստացել, ո՞նց է նման բան լինում․ վարչապետը՝ Կառավարության անդամներին․ ՏԵՍԱՆՅՈՒԹ
Քաղաքականություն
21.03.2019 | 11:26
Կառավարության մարտի 21-ի նիստի օրակարգային հարցերի քննարկումից առաջ ՀՀ վարչապետ Նիկոլ Փաշինյանը նշեց, որ ստացել է նամակ այն մասին, որ Հայաստանում գործող «Արմաթ» լաբորատորիաների ավելի քան 260 խմբակավար արդեն երեք ամիս է աշխատավարձ չի ստացել։
«Ես ուզում եմ հասկանալ, սենց բան ո՞նց է հնարավոր, որ մարդիկ պետական համակարգի աշխատողներ են ու երեք ամիս է՝ աշխատավարձ չեն ստացել»,- Կառավարության անդամներին հարց ուղղեց վարչապետը։
Վարչապետի հարցին պատասխանեց Կրթության և գիտության նախարար Արայիկ Հարությունյանը և նշեց, որ «Արմաթ» լաբորատորիաները նախկինում ֆինանսավորվել են դրամաշնորհով, իսկ այժմ փոխվել է ֆինանսավորման կարգը, այն պետք է իրականացվի մրցույթի արդյունքում, ինչին համաձայն չեն եղել լաբորատորիաների աշխատակիցները։
Նախարարը նաև հավելեց, որ այս հարցում արդեն համաձայնություն են ձեռք բերել աշխատակիցների հետ, մրցույթի ձևը փոխվել է ուղիղ դրամաշնորհայինի և առաջիկայում հարցը կկարգավորվի։
«Բայց մարդիկ 3 ամիս է աշխատավարձ չեն ստացել, ո՞նց է դա լինում»,- հետաքրքրվեց վարչապետը՝ նշելով, որ տրամաբանությունն այն է, որ եթե Կառավարությունը ֆինանսավորման կարգը է փոխում, ապա դա անում է, որ լինի ավելի լավ, ուստի հարց է առաջանում՝ իսկ ինչո՞ւ է վատ։
Մանրամասները՝ տեսանյութում։
Աղավնի Սուքիասյան
