10.10.2026 | 16:51
«Գալուստ Գյուլբենկյան» հիմնադրամի հոգաբարձուների խորհրդի նախագահն այցելել է Հայոց ցեղասպանության հուշահամալիր
Քաղաքական հաշվեհարդար չի լինելու․ նախարարը՝ համայնքապետերի հրաժարականը պահանջող բնակիչներին․ ՏԵՍԱՆՅՈՒԹ
Քաղաքականություն
20.03.2019 | 11:30
Արդեն մի քանի օր է՝ Հայաստանի մի շարք մարզերի համայնքներում տեղի են ունենում բողոքի ակցիաներ․ բնակիչները պահանջում են համայնքի ղեկավարների հրաժարականը։
Տարածքային կառավարման և զարգացման նախարար Սուրեն Պապիկյանն այսօր հրավիրված մամուլի ասուլիսի ընթացքում, անդրադառնալով այդ խնդրին նշեց, որ իրենք նախաձեռնում են տեղական հանրաքվեի մասին օրենքում փոփոխություն կատարել, որից հետո համայնքի բնակիչները կկարողանան իրենց վերաբերմունքն արտահայտել համայնքապետի պաշտոնավարման հետ կապված։
«Պետք չէ ակնկալել, թե իշխանությունները կարող են իրենց իրավասությունից դուրս գործողություններ կատարել։ Էստեղ չի լինելու քաղաքական հաշվեհարդար, իսկ եթե այստեղ մեզ փնովելու են և ասեն, որ իշխանությունը գործիքներ չի կիրառում այդ հարցում, ապա պետք է հիասթափեցնեմ և ասեմ՝ յուրաքանչյուր պաշտոնյա իր գործողությունները պետք է բխեցնի օրենքից»,- ասաց Սուրեն Պապիկյանը։
Մանրամասները՝ տեսանյութում։
Աղավնի Սուքիասյան։
