16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Ունեցանք խոսակցություն, որը ՀԱՊԿ գոյության ընթացքում երբեք չէր եղել. Նիկոլ Փաշինյանը՝ ՀԱՊԿ գլխավոր քարտուղարի խնդրի մասին. ՏԵՍԱՆՅՈՒԹ
Քաղաքականություն
19.03.2019 | 16:26
ՀՀ վարչապետ Նիկոլ Փաշինյանը վստահեցնում է, որ առանց հայկական կողմի կարծիքը հաշվի առնելու ՀԱՊԿ գլխավոր քարտուղար չի կարող նշանակվել:
«Ո՞նց կարող է այդպիսի բան լինել, դա կնշանակի, որ ՀԱՊԿ չկա»,- մարտի 19-ին հրավիրված մամուլի ասուլիսում ասաց վարչապետը՝ պատասխանելով առանց Հայաստանի համաձայնության Բելառուսի թեկնածուին այդ պաշտոնում նշանակելու հնարավորության մասին հարցին:
Նիկոլ Փաշինյանի խոսքով՝ այստեղ մեր դիրքորոշումը շատ կառուցողական է. «Մենք ասում ենք, որ ժամկետը մերն է, մեր գործընկերները համաձայն չեն սրա հետ, որովհետև, ասում են, դա կարգավորված չի և մեկնաբանության տեղ կա: Մենք էլ ասում ենք, որ նոր գլխավոր քարտուղար նշանակելուց առաջ կանոնադրության մեջ հստակեցում մտցնենք, որպեսզի իմանանք, որ ժամկետի կիսատ մնալու դեպքում ինչպես է կանոնակարգվում հարցը»:
Ըստ վարչապետի՝ այս հարցում, կարծես, ընդհանուր համաձայություն կա: «Այն խոսակցությունները, որ մենք այս ընթացքում ունեցել ենք ՀԱՊԿ ֆորմատով, կարծում եմ, որ շատ օգտակար խոսակցություններ են, և թույլ տվեք ասել, որ ՀԱՊԿ գոյության ամբողջ ընթացքում նման խոսակցություններ երբեք տեղի չեն ունեցել»,- ասաց Նիկոլ Փաշինյանը:
Մանրամասները՝ տեսանյութում:
Նարեկ Կիրակոսյան
