18.05.2026 | 15:37
Ռուբեն Վարդանյանին առաջադրել են Վացլավ Հավելի անվան մարդու իրավունքների 2026-ի մրցանակի
Բանակցային ձևաչափը ոչ թե փոխվում է, այլ վերականգնվում. Փաշինյանը փաստաթղթեր վկայակոչեց. ՏԵՍԱՆՅՈՒԹ
Քաղաքականություն
19.03.2019 | 13:45
Վարչապետ Նիկոլ Փաշինյանն այսօր հրավիրված մամուլի ասուլիսի ժամանակ անդրադառնալով Արցախի հարցով բանակցությունների վերաբերյալ հնչող մեկնաբանություններին և քննադատություններին, նշեց, որ բանակցային ձևաչափի փոփոխության մասին խոսք գնալ չի կարող և կա այն վերականգնելու առաջարկ։ Ասվածն ապացուցելու համար Փաշինյանը ներկայացրեց որոշ փաստաթղթեր:
«Փաստ առաջին՝ 1992 թվականին, երբ ձևավորվել է Մինսկի խումբը, հստակ արձանագրված է եղել, որ ԵԱՀԿ -ի անցկացվող համաժողովի հրավիրյալների թվում են Լեռնային Ղարաբաղի ընտրված և այլ ներկայացուցիչներ՝ որպես շահառու կողմեր։ Հաջորդը՝ 1994 թվականի մայիսին հրադադարի պայմանագիրը կնքել է երեք կողմ՝ Ադրբեջանի պաշտպանության նախարար Մամեդովի, ՀՀ պաշտպանության նախարար Սարգսյանի և Արցախի նախարար Բաբայանի կողմից: Այդ պայմանագրում գրված է, որ այն ստորագրվում է հակամարտող կողմերի կողմից։ Հաջորդը՝ 1994 թվականին ընդունվեց Բուդապեշտի հռչակագիրը, որտեղ ասվում է, որ ԵԱՀԿ համաժողովին մասնակցող պետությունները ողջունում են հակամարտող կողմերի կողմից հրադադարի մասին համաձայնագիրը»:
Փաշինյանը նշեց, որ նրանք, ովքեր պնդում են, որ ինքը խոսում է բանակցային ֆորմատի փոփոխության մասին, լավ չեն պատկերացնում, բանակցային ֆորմատը կամ դրանից լավ տեղեկացված չեն։
Մանրամասները՝ տեսանյութում։
Նարեկ Կիրակոսյան
