11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Մեր դատավորների աշխատավարձը ԵԽ երկրների մեջ ամենացածրն է. Արտակ Զեյնալյան. ՏԵՍԱՆՅՈՒԹ
Հասարակություն
19.03.2019 | 12:56
Վերջերս ԱՄՆ Պետդապարտամենտը հրապարակեց զեկույց Հայաստանում մարդու իրավունքների վիճակի վերաբերյալ՝ արձանագրելով, որ 2018 թվականին առաջընթաց է գրանցվել։ Այնուամենայնիվ, Պետդեպարտամենտը շեշտել է, որ դատական համակարգը մնում է ամենախնդրահարույցը՝ դատարանների անկախության և չեզոքության մասով առաջընթաց դեռևս չկա։
Մեկնաբանելով այս տվյալները՝ արդարադատության նախարար Արտակ Զեյնալյանն այսօր Ազգային ժողովում լրագրողների հետ զրույցում ասել է, որ այսօր դատական համակարգում էվոլյուցիոն ճանապարհով իրականացվում են բարեփոխումներ։
Ըստ նախարարի՝ լուրջ փոփոխություններ են անհրաժեշտ, որ դատարանի նկատմամբ վստահությունը մեծանա, իսկ դատավորների աշխատավարձը նրանց անկախության ապահովման կարևոր գործոններից է:
«Մեր դատավորների աշխատավարձերը Եվրոպայի խորհրդի անդամ երկրների շարքում ամենացածրն է։ Այն 3 անգամ ավելի ցածր է նախավերջին տեղում գտնվող երկրից։ Դա նշանակում է, որ դատավորի աշխատանքը հրապուրիչ չի։ Մենք պիտի ստեղծենք պայմաններ, որպեսզի բարձր որակավորում ունեցող, մարդկային բարձր հատկանիշ ունեցող մասնագետները շահագրգռված լինեն աշխատել և ծառայել որպես դատավոր»,- ասաց Արտակ Զեյնալյանը։
Նախարարը տեղեկացրեց նաև, որ դատավորների անկախության բարձրացման նպատակով նախարարությունը մշակում է ռազմավարություն։
Մանրամասները՝ տեսանյութում:
Ռոբերտ Անանյան
