10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Պարո՛ն քաղաքապետ, Ձեր տան դեմը մի ծառ չունեք, ուրիշի հացն եք կտրում. «Շոկոլադնիցայի» մենեջեր. ՏԵՍԱՆՅՈՒԹ
Հասարակություն
13.03.2019 | 13:52
Աշխատատեղեր ենք քանդում, այսպես եմ սա բնութագրում: Լրագրողներին այս մասին ասաց Օպերային հարակից տարածքում ապամոնտաժման ենթակա «Շոկոլադնիցա» սրճարանի մենեջեր Լաերտ Պողոսյանը:
«Մի ամիս առաջ հյուրանոց բացեցին, քաղաքապետն ու վարչապետը գնացին, ողջունեցին, որ 50 աշխատատեղ է բացվում, բայց որ 300 աշխատատեղ փակվում է, ո՛չ վարչապետն է էստեղ, ո՛չ քաղաքապետը: Դա նորմա՞լ է»,- ասաց Լաերտ Պողոսյանը:
Նրա պնդմամբ՝ իրենց սրճարանի վարձակալության պայմանագիրն ուժի մեջ է մինչև 2026 թվականը, սակայն անցյալ տարվա դեկտեմբերին ապամոնտաժման մասին ծանուցում են ստացել: Լաերտ Պողոսյանը նաև վստահեցրեց, որ սրճարանատերերը կանաչապատում են իրենց վարձակալած տարածքը. «Մեր քաղաքապետն իր տան դիմաց էդքան ծառ չունի, Հյուսիսային պողոտայում տուն ունի, բայց մի հատ ծառ չունի: Թող իր տան դեմից սկսի, թող Հյուսիսային պողոտան քանդի»:
Մանրամասները՝ տեսանյութում:
Ռոբերտ Անանյան
