30.05.2026 | 14:45
«Զվարթնոցում» ուղեբեռից հայտնաբերվել է 956 հազար եվրո․ 2 անձ ձերբակալվել է․ ՔԿ
Թուրքիան Բելգիային բողոքի նոտա է հղել
Քաղաքականություն
12.03.2019 | 14:18
Թուրքիայում Բելգիայի արտակարգ և լիազոր դեսպանը բացատրություններ տալու նպատակով հրավիրվել է Թուրքիայի արտաքին գործերի նախարարություն։ Բելգիացի դեսպանին բողոքի նոտա է հանձնվել. գրում է ermenihaber-ը:
Պատճառն այն է, որ բելգիական դատարանը ընթացք չի տվել 36 անձի նկատմամբ հարուցված քրեական գործին, ովքեր ըստ թուրքական կողմի՝ առնչություն ունեն Թուրքիայում ահաբեկչական համարվող «Քուրդիստանի բանվորական կուսակցության» (PKK-ՔԲԿ) հետ։
Բելգիայի դատախազությունը համարել է, որ նշյալ անձանց նկատմամբ հնարավոր չէ սկսել դատական գործ «ահաբեկչական կազմակերպության հետ կապեր» ունենալու մեղադրանքով։
Թուրքիայի արտգործնախարարության խոսնակ Համի Աքսոյը հույս է հայտնել, որ բելգիական կողմը կվերանայի իր որոշումը։
