08.12.2025 | 18:09
Հայաստանում սպանված չեչենուհի Այշաթ Բայմուրադովային թունավորել են. նա Կադիրովի ազգականուհին էր. աղբյուր
«Իմ քայլի» պատգամավոը որոշել է ԱԺ-ի աղբը տեսակավորել
Հասարակություն
08.03.2019 | 17:17
Ազգային ժողովի «Իմ քայլը» խմբակցության պատգամավոր Մերի Գալստյանը նախաձեռնել է մի ծրագիր, որի շրջանակներում տեսակավորվելու է խորհրդարանի աղբը:
«Տեղադրվելու են առանձին տարաներ՝ թղթի, պլաստիկի և ապակու համար: Նպատակն այն է, որ զարգանա աղբի տեսակավորման ու վերամշակման մշակույթը, ինչպես նաև նվազեցնել շրջակա միջավայրի վրա ազդեցությունը: Առաջարկը ներկայացրել եմ մեր խմբակցության պատգամավորներին, ստացել եմ շատերի դրական եզրակացությունը»,- Factor.am-ի հետ զրույցում նշեց պատգամավորը։
Մերի Գալստյանն ասում է, որ այս հարցով քննարկում է ունեցել հասարակական կազմակերպություններից մեկի հետ, որը կտրամադրի աղբի տեսակավորման համար նախատեսված տարաները, ինչպես նաև կստանձնի աղբի վերամշակման աշխատանքները: Պատգամավորն ասում է, որ դա լինելու է անվճար: Մերի Գալստյանն ասում է, որ առաջիկայում այս նախաձեռնության մասին դիմելու է Ազգային ժողովի աշխատակազմի ղեկավարին՝ նախաձեռնությունը քննարկելու համար:
Նարեկ Կիրակոսյան
