22.01.2026 | 23:29
ՀՀ տարածքում կան փակ ավտոճանապարհներ, Լարսը բաց է
Ադրբեջանի վրա միջազգային ճնշում է պետք կազմակերպել. Ռուբեն Մեհրաբյան
Քաղաքականություն
17.08.2017 | 13:18
«Պաշտոնական տեղեկատվությունից և ԶԼՄ-ների հաղորդագրություններից տեղեկացել ենք, որ սեպտեմբերի 2-րդ կեսին ՄԱԿ-ի գլխավոր ասամբլեայի շրջանակներում տեղի է ունենալու Հայաստանի և Ադրբեջանի արտգործնախարարներ Էդվարդ Նալբանդյանի Էլմար Մամեդյարովի հանդիպումը»,- լրագրողների հետ հանդիպմանն ասաց քաղաքագետ Ռուբեն Մեհրաբյանը:
«Պետք է նշել 3 գործոն, որոնք ուղղակի աննախադեպ են հանդիպմանն ընդառաջ: Առաջինը՝ Հայաստանի ու միջազգային հանրության մոտեցումներն են ԼՂ հակամարտության կարգավորման հարցում, որոնք աննախադեպ չափով համընկնում են: Երկրորդ՝ այս բանակցությունները տեղի են ունենալու ԱՄՆ-ի, Արևմուտքի և Ռուսաստանի հարաբերությունների վատթարացման ֆոնին: Եվ երրորդ իրողությունը՝ Ռուսաստանի վրա տարածված պատժամիջոցներն են, որոնք էապես նվազեցնում են Ռուսաստանի քաղաքական հնարավորությունները»,- նկատեց բանախոսը:
«Այս գործոնների հանրագումարի ֆոնը նպաստավոր է և բխում է Հայաստանի Հանրապետության շահերից և պետք է կազմակերպել միջազգային ճնշում Ադրբեջանի վրա»,- իր խոսքն ամփոփեց քաղաքագետը:
Առավել մանրամասն՝ տեսանյութում:
