15.12.2025 | 16:00
Մթնոլորտային օդում փոշու սահմանային թույլատրելի կոնցենտրացիան գերազանցվել է Կենտրոնում, Արաբկիրում, Շենգավիթում և Նոր Նորքում
Նախարարությունն արձագանքել է Թալին – Լանջիկ ճանապարհահատվածի վերաբերյալ քաղաքացիների ահազանգին
04.03.2019 | 21:37
Տրանսպորտի, կապի և ՏՏ նախարարությունից հայտնում են, որ երկուշաբթի առավոտյան քաղաքացիները Երևան-Գյումրի ավտոճանապարհի Թալին – Լանջիկ հատվածի վատ վիճակի վերաբերյալ ահազանգ են ներկայացրել նախարար Հակոբ Արշակյանին:
Տեղամասում շինարարական աշխատանքներ իրականացնող «Սինոհիդրո Քորփորեյշն» ՍՊ ընկերությանը հանձնարարվել է սեղմ ժամկետներում միջոցներ ձեռնարկել ճանապարհի անցանելիությունը վերականգնելու ուղղությամբ։ Հանձնարարականից ժամեր անց շինընկերությունը, որպես խնդրի ժամանակավոր լուծում, սկսել է կոպճապատման աշխատանքները:
Գարնանը՝ եղանակային բարենպաստ պայմանների դեպքում, նշված ճանապարհահատվածում կկատարվեն նաև ասֆալտապատման որոշակի աշխատանքներ: Այս մասին հայտնում են ՀՀ տրանսպորտի, կապի և տեղեկատվական տեխնոլոգիաների նախարարության լրատվական ծառայությունից:
