09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Էստոնիայի խորհրդարանական ընտրություններում հաղթել է ընդդիմությունը
Քաղաքականություն
04.03.2019 | 13:13
Երեկ Էստոնիայում տեղի ունեցած խորհրդարանական ընտրություններում հաղթել է ընդդիմության ներկայացուցիչ «Բարեփոխումների կուսակցությունը»․ հայտնում է rbc.ru-ն։
Ընդդիմությունն էստոնական խորհրդարանում 34 մանդատ է ստացել՝ ընդլայնելով ներկայացվածությունը 4-ով։ Իշխող «Կենտրոնամետների կուսակցությունը» զբաղեցրել է երկրորդ տեղը և ստացել 26 մանդատ՝ նախորդից 1-ով պակաս: Եվս մեկ ընդդիմադիր կուսակցություն՝ «Պահպանողական ժողովրդական կուսակցությունը», զգալիորեն ամրապնդել է դիրքերը՝ ստանալով 19 մանդատ, որը նախորդից 12-ով ավելի է: Թուլացել են «Հայրենիք» կուսակցության դիրքերը, որը 12 մանդատ է ստացել՝ 2-ով պակաս նախորդ գումարման խորհրդարանից: Իսկ Սոցիալ-դեմոկրատական կուսակցությունը ստացել է 10 մանդատ ՝ 5-ով պակաս նախորդից:
Էստոնիայի կենտրոնամետ կուսակցության ղեկավար և վարչապետ Յուրի Ռատասը ճանաչել է «Բարեփոխումների կուսակցության» հաղթանակը: Նա հայտարարել է, որ պետք է կարողանալ պարտվել, քանի որ պարտություններն ապագա հաղթանակներ են ծնում:
«Խոստանում եմ աշխատել այնպես, որ «Կենտրոնամետ կուսակցությունը» լինի հաջորդ կոալիցիայում»,- ընդգծել է Յուրի Ռատասը։
Հիշեցնենք, որ երեկ՝ մարտի 3-ին, Էստոնիայում տեղի ունեցած խորհրդարանական ընտրություններին մասնակցել է 10 կուսակցություն և 15 անկախ թեկնածու։
Նելլի Մելքոնյան
