13.11.2024 | 23:28
Էրդողանը Թրամփի հետ հանդիպման հույս է հայտնել և խոսել Մասկի հետ համագործակցելու ցանկության մասին
Իլհամի մեկ զանգն ինձ կամ իմ զանգը՝ նրան, և բոլոր հարցերը լուծվում են. Ալեքսանդր Լուկաշենկո
Քաղաքականություն
01.03.2019 | 18:52
Բելառուսի նախագահ Ալեքսանդր Լուկաշենկոն վստահ է, որ երկրների ղեկավարների միջև անձնական հարաբերություններն ազդում են միջպետական հարաբերությունների զարգացման վրա: Այս մասին նա ասել է հասարակական և փորձագիտական շրջանակների ու բելառուսական և արտասահմանյան լրատվամիջոցների ներկայացուցիչների հետ հանդիպման ժամանակ՝ պատասխանելով Բելառուսի և Ադրբեջանի փոխհարաբերությունների զարգացման մասին ադրբեջանցի լրագրողի հարցին, հաղորդում է ԲԵԼՏԱ-ն:
«Ինչ վերաբերում է դիվանագիտությանը, քաղաքականությանն ու միջազգային կազմակերպություններում միմյանց աջակցելուն, մենք որևէ խնդիր չունենք: Իլհամի (Ալիև) մի զանգն ինձ կամ իմ զանգը՝ նրան, և բոլոր հարցերը լուծվում են»,- հավելել է Լուկաշենկոն:
Նա պարզաբանել է, որ բազմաթիվ միջոցառումներ, ինչպես, օրինակ, ՌԴ նախագահ Վլադիմիր Պուտինի հետ դահուկավազքը, ժամանակակից քաղաքականության մաս է. «Նախկինում նման բան չկար: Իսկ հիմա թրենդ է: Ինչ վերաբերում է անձնական հարաբերություններին, դրանք միշտ և ամենուր ազդում են միջպետական հարաբերությունների վրա»:
Լուկաշենկոն հավելել է, որ Մինսկի և Բաքվի բարիդրացիական հարաբերությունները կառուցելուն օգնել են Ադրբեջան նախկին նախագահ Հեյդար Ալիևի հետ իր անձնական ընկերական հարաբերությունները: «Երբ ես նրան հանդիպեցի, մեր միջև ընկերական հարաբերությունների ձևավորվեցի: Երբ նա մահացավ, նրա որդի Իլհամը դարձավ նախագահ, այդ ընկերությունը վերածվեց Իլհամի հետ ընկերության: Մենք բացարձակ ոչ մի խնդիր չունենք»,- ասել է նա:
Բելառուսի նախագահի խոսքով՝ հիմա Ադրբեջանն իրական տնտեսական հատվածի կառուցման ճանապարհով է գնում. «Եվ հիմա դա մեր գլխավոր խնդիրն է. մենք Ադրբեջանում ավտոմեքենաշինության համատեղ արտադրություն են հիմնում, օգնում ենք նավթաքիմիայի, նավթամշակման հարցում, մենք այդ ամենն ունենք Բելառուսում: Համագործակցում ենք ռազմարդյունաբերական համալիրների հարցում, չնայած մեր մերձավոր դաշնակիցը՝ Հայաստանը, քննադատում է մեզ»:
Ինչ վերաբերում է մարդկանց փոխհարաբերություններին, Լուկաշենկոյի խոսքով՝ ադրբեջանցիներն իրենց վերաբերվում են որպես եղբայրների: «Սա քրիստոնեական և մահմեդական պետությունների հարաբերությունների օրինակ է: Չնայած մենք Տաջիկստանի հետ նույնպես փայլուն հարաբերություններ ունենք»,- ամփոփել է Ալեքսանդր Լուկաշենկոն:
