11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Արայիկ Հարությունյանը պարգևատրեց կիբերանվտանգության թեմայով տեսանյութերի մրցույթի հաղթողներին. ՏԵՍԱՆՅՈՒԹ
Հասարակություն
11.02.2019 | 15:09
«Ապահով համացանց. Հայաստան» ծրագրի շրջանակում ԿԳՆ-ն ամփոփեց կիբերանվտանգության թեմայով տեսանյութերի մրցույթը:
Նախարար Արայիկ Հարությունյանը մրցանակներ հանձնեց «Ապահով համացանց» շաբաթվա շրջանակում դպրոցականների և երիտասարդների շրջանում հայտարարված կիբերանվտանգության թեմայով տեսանյութերի մրցույթի հաղթողներին։
Հաղթողներից երեքը Լոռու և Գեղարքունիքի մարզերից էին, մյուս երկուսը՝ մոսկվաբնակ և երևանաբնակ։
«Մեր նպատակն է դասախոսությունների միջոցով տարբեր միջոցառումների ժամանակ մեր աշակերտներին սովորեցնել այն հմտությունները, որոնք թույլ կտան հրաժարվել և խուսափել անցանկալի բովանդակությունից, պաշտպանվել կիբերհանցագործություններից։ Այս մեկ շաբաթվա ընթացքում ինտենսիվ միջոցառումներ ենք ունեցել, սակայն դրանք պետք է շարունակել նաև տարվա ընթացքում»,- նշեց ԿԳ նախարարը։
Հիշեցնենք, որ «Ապահով համացանց. Հայաստան» ծրագիրը մեկնարկել է 2007 թվականին և համակարգվում է «Մեդիակրթության կենտրոնի» և «Ինտերնետ հանրություն» կազմակերպություններրի կողմից:
Այս ծրագրով Հայաստանը միանում է Եվրահամայնքի անդամ այն երկրներին, որոնք իրենց կարողություններն ու հմտություները միավորել են հանուն համացանցի ապահով ու անվտանգ օգտագործման:
Նելլի Մելքոնյան
