07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Ես իմ խնամի-ծանոթ-բարեկամներին աշխատանքի չեմ տեղավորել. Մամիկոն Ասլանյան. ՏԵՍԱՆՅՈՒԹ
Քաղաքականություն
11.02.2019 | 13:36
Վանաձոր համայնքը վերջին երկու տարվա ընթացքում 40% աճ է գրանցել, այս տարի՝ 14-15% աճ է կանխատեսվում։ Այս մասին Ազգային ժողովում լրագրողների հետ զրույցում ասաց Վանաձորի քաղաքապետ Մամիկոն Ասլանյանը։
«Վանաձոր համայնքը երկու տարում 220 մլն դրամ բյուջեի ճեղքվածք է փակել։ Քաղաքում ասֆալտապատման և խաղահրապարակների նորոգման աշխատանքներ ենք կատարել, շուտով այստեղ նաև հանրապետության առաջին բիզնես ֆորումն ենք անցկացնելու»,- նշեց Մամիկոն Ասլանյանը։
Նրա խոսքով՝ համայնքի ղեկավարը, երբ մտնում է համայնքապետարանի շենք, պետք է մոռանա, թե որ կուսակցությունից է, հակառակ դեպքում՝ համայնքը հաջողություն չի ունենա։ «Ինձ թվում է՝ ես վայելում եմ վանաձորցիների աջակցությունը»,- նշեց Մամիկոն Ասլանյանը։
Խոսելով պարգևավճարներից, Վանաձորի քաղաքապետը նշեց, որ դրանք նորմալ են, եթե համայնքի տնտեսական քաղաքականությունը թույլ է տալիս։
Արձագանքելով Սուրեն Պապիկյանի հայտարարությանը, թե որոշ համայնքապետարաններում ամբողջությամբ խնամի-ծանոթ-բարեկամ համակարգով են աշխատանքի ընդունում, Մամիկոն Ասլանյանն ընգծեց. «Ես երկու տարվա ընթացքում խնամի, ծանոթ, նույնիսկ ազգականի աշխատանքի ընդունած չկամ»։
Նելլի Մելքոնյան
