16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Ուսուցիչների համար կներդրվեն էթիկայի կանոններ, կվերահսկվի նրանց վարքը․ ՏԵՍԱՆՅՈՒԹ
Հասարակություն
21.01.2019 | 12:53
Տարիներ շարունակ հայաստանյան դպրոցներում ներդրված են ուսուցիչների համար հատուկ էթիկայի նորմեր, որոնք նոր երևույթ չեն, և եթե ոչ բոլոր դպրոցները, ապա դրանցից շատերը ուսուցիչ-աշակերտ հարաբերությունները կառուցելիս առաջնորդվում են այդ էթիկայի նորմերով։
Այժմ նախաձեռնվել են նոր էթիկայի նորմեր, վարքականոններ, որոնք մշակվել են հակառուպցիոն ծրագրի շրջանակում։
«Կառավարության՝ 2018 թվականի հակակոռուպցիոն ռազմավարության մեջ նախատեսված էր, որ ուսուցչի էթիկայի նորմեր լինեն և ամրագրված լինի, որ ուսուցիչը չի կարող իր աշակերտի հետ լրացուցիչ պարապունքներ իրականացնել, եթե դա դառնում է ուսումնական պլանի ուսուցում։ Տարիներ շարունակ կրթության ոլորտում բազմաթիվ հետազոտություններ են անցկացվել, գնահատվել են ուսոցիչ-աշակերտ փոխհարաբերությունները և որպես գնահատման թերի կողմ նշվել է, որ ուսոցիչը անպայման այնպես է անում, որ աշակերտը լրացուցիչ պարապի իր մոտ, որպեսզի ինքը կարողանա իր սոցիալական հարցերը լուծել։ Այդ մեղադրանքները միշտ կան և այս նոր էթիկայի նորմերը լավ հնարավորություն են, որ ուսուցիչներն այդ մեղադրանքից ազատվեն․ այսինքն՝ ուսուցիչները դասարանում են անելու ամեն ինչ՝ ուսման որակն ապահովելու համար առանց լրացուցիչ վճարների»,- այս մասին այսօր «ԿԳՆ-ն կանոնակարգում է ուսուցչի վարքը․ ի՞նչ կարող է անել և ի՞նչ չի կարող անել մանկավարժը» թեմայով քննարկման ժամանակ ասաց ՀՀ ԿԳՆ հանրակրթության վարչության նախադպրոցական և միջնակարգ կրթության քաղաքականության մշակման և վերլուծության բաժնի պետ Սյուզաննա Մակյանը։
Մանրամասները՝ տեսանյութում։
