30.03.2026 | 16:21
Թուրքիան, Եգիպտոսը և Սաուդյան Արաբիան դիտարկում են Հորմուզի նեղուցը կառավարելու համար կոնսորցիում ստեղծելու հարցը
Ես՝ որպես ՀՀ հպարտ քաղաքացի, մնացել եմ անտուն, հարգարժա՛ն Նիկոլ Փաշինյան. Արամի 23 հասեցի բնակիչ. ՏԵՍԱՆՅՈւԹ.
Հասարակություն
12.01.2019 | 13:23
Արամի 23 հասցեում գտնվող պատմական հուշարձանի՝ «Հայաստանի փոքրիկ երգիչներ» երգչախմբի կենտրոնից զատ փլուզվել է նաև նույն հասցեում գտնվող բնակելի տուն:
Բնակիչները մի քանի ամիս է՝ վարձով են բնակվում, քանի որ հնարավոր փլուզումից վախեցել են և տեղափոխվել այլ բնակարան: Սակայն, նշում են, որ ամբողջովին վնասվել է տան գույքը:
«Հատակը հեռվացել էր, պատերը ճաք էին տվել: Փլուզումը տեղի է ունեցել երեկ երեկոյան: Մինչ այդ, պատերն ահավոր շարժվում էի: Ես չգիտեմ, թե ինձ հիմա որտեղ են բնակարան տալու, տալո՞ւ են, թե՞ ոչ: Պատերը, երբ սկսեցին շարժվել, ես հոկտեմբերից իմ գումարով վարձեցի բնակարան և գնացի ուրիշ տեղ ապրելու: Ինչպես ասում է մեր վարչապետը՝ Հայաստանի հպարտ քաղաքացիներ, ես հիմա որպես ՀՀ հպարտ քաղաքացի մնացել եմ անտուն, հարգարժան Նիկոլ Փաշինյան, եթե կարող եք ինձ օգնեք, քանի որ Դուք ասում եք, որ մեր միակ հարստությունը ՀՀ քաղաքացին է»,- ասաց Արամի 23 հասցեի բնակիչ Մադլենա Ասրյանը:
Նշենք, որ հունվարի 11-ին, ժամը 21:48-ին «911» ծառայությունը հաղորդում է ստացել, որ Երևան քաղաքի Արամի 23 հասցեում՝ «Հայաստանի Փոքրիկ երգիչներ» մանկական ֆիլհարմոնիայի շենքում, տեղի է ունեցել փլուզում. անհրաժեշտ է փրկարարների օգնությունը: Պարզվել է, որ վերոնշյալ հասցեում փլուզվել են երգչախմբի փորձասենյակի արտաքին պատը (մոտ 35 քմ) և առաստաղը՝ մասնակի (մոտ 20 քմ), ինչպես նաև վնասվել է ընդունարանի առաստաղը (առաստաղին և պատին առաջացել են ճաքեր՝ մոտ 1.5 քմ): Փլուզվել են նաև ֆիլհարմոնիայի շենքին կից թիվ 23/3 տան հյուրասենյակի արտաքին պատը (մոտ 18 քմ) և առաստաղը (մոտ 20 քմ), ննջասենյակի արտաքին պատին և առաստաղին առաջացել են ճաքեր: Առկա է մնացած հատվածի փլուզման վտանգ:
