16.11.2024 | 19:27
Հյուսիսային պողոտայում սրճարաններից մեկում բռնկված հրդեհի հետևանքով քաղաքացին դեմքի շրջանում ստացել է այրվածքներ
Ոչինչ չի փլուզվել, որ վերականգնենք, Հայաստանը Ռուսաստանի ռազմավարական գործընկերն է. Վլադիմիր Պուտին
Քաղաքականություն
20.12.2018 | 16:17
Ռուսաստանի և Հայաստանի հարաբերություններում ոչինչ չի փլուզվել, Երևանը Մոսկվայի ռազմավարական գործընկերն է: Ռուսական և արտասահմանյան լրատվամիջոցների մասնակցությամբ անցկացվող ամենամյա մամուլի ասուլիսի ընթացքում հայտարարել է ՌԴ նախագահ Վլադիմիր Պուտինը՝ պատասխանելով հարցին, թե ՌԴ-ն ինչպե՞ս է վերականգնելու Հայաստանի հետ հարաբերությունները ԱԺ ընտրություններից հետո:
«Ի՞նչ է նշանակում վերականգնել: Մեզ մոտ ոչինչ չի փլուզվել, որը վերականգնելու կարիք ունի: Հայաստանը տարածաշրջանում և ընդհանրապես աշխարհում մեր ռազմավարական գործընկերն է, ՀԱՊԿ, ԵՏՄ անդամ: Ի՞նչը վերականգնենք: Պետք է զարգացնել այն, ինչ կա»,- ասել է Կրեմլի ղեկավարը:
Նա նաև հավելել է, որ հայ ժողովուրդը ռուս ժողովրդի մերձավոր դաշնակիցն է Անդրկովկասում. «Այդպես է եղել պատմականորեն, այդպես է և, հույս ունեմ, այդպես կլինի: Մենք պետք է ելնենք աշխարհում, տարածաշրջանում ընթացիկ իրողություններից, մեր հնարավորությունների պահանջմունքներից»:
