04.09.2026 | 15:21
ՀՀ նախագահը հանդիպել է Չեխիայի Պատգամավորների պալատի նախագահ Տոմիո Օկամուրայի հետ
Լևոն Մնացականյանը՝ Արցախի Արտակարգ իրավիճակների ծառայության տնօրե՞ն․ խոսնակը ոչ հերքում, ոչ էլ հաստատում է լուրը
Քաղաքականություն
14.12.2018 | 12:51
Արցախի պաշտպանության բանակի հրամանատար Լևոն Մնացականյանի խոսնակ Սենոր Հասրաթյանը ոչ հերքում, ոչ էլ հաստատում է Լևոն Մնացականյանին Արցախի Արտակարգ իրավիճակների ծառայության տնօրենի պաշտոնում նշանակելու մասին լուրը։
«Այդ լուրը ո՛չ հերքում, ո՛չ հաստատում եմ, սպասեք․ հրամանագիր կլինի կհրապարակենք, չի լինի՝ չենք հրապարակի»,-Factor.am-ի հստակեցնող հարցին ի պատասխան ասաց Սենոր Հասրաթյանը։
Արդյոք Լևոն Մնացականյանն ազատվել է աշխատանքից փորձեցինք պարզել նաև Արցախի նախագահի օգնական Դավիթ Բաբայանից։ «Եթե նման բան լինի, կհրապարակենք պաշտոնական հաղորդագրություն: Որևէ բան չեմ կարող ասել»,- եղավ պատասխանը:
Նշենք, որ ըստ 168.am կայքի տեղեկությունների՝ Արցախի նախագահ Բակո Սահակյանն արդեն ստորագրել է ՊԲ ղեկավար Լևոն Մնացականյանին պաշտոնից ազատելու մասին հրամանագիրը:
Նույն աղբյուրի պնդմամբ՝ Բ. Սահակյանի մեկ այլ հրամանագրով Լևոն Մնացականյանը նշանակվել է Արցախի Արտակարգ իրավիճակների ծառայության տնօրենի պաշտոնում:
Աղավնի Սուքիասյան
