19.12.2025 | 18:21
Ադրբեջանական բենզինը Հայաստան հասավ // ՌԴ-ն և Ուկրաինան զոհվածների մարմիններ են փոխանակել․ ԼՈՒՐԵՐ
Հայաստանն արդյոք կպահանջի՞ ռուս զինծառայողին հանձնել հայ իրավապահներին
Հասարակություն
14.12.2018 | 12:33
Ինչպես արդեն տեղեկացրել ենք, Շիրակի մարզի ընդհանուր իրավասության դատարանը բավարարել է քննչական մարմնի միջնորդությունը՝ կալանավորել ռուսական 102-րդ ռազմաբազայի ռուս զինծառայողին, որը ձերբակալվել էր Գյումրիի Սլոբոդկա թաղամասում դեկտեմբերի 3-ին հավաքարարին մահացու ծեծի ենթարկելու կասկածանքով։
ՀՀ Գլխավոր դատախազությունից Factor.am-ը փորձեց պարզել՝ արդյոք Հայաստանը պատրաստվում է պահանջել ռուս զինծառայողին հանձնել հայկական կողմին։ Հարցին ի պատասխան Գլխավոր դատախազության հանրային կապերի բաժնի պետ Արևիկ Խաչատրյանը նշեց․ «Գլխավոր դատախազությունն այդ հարցը այս փուլում չի մեկնաբանում»։
Նշենք, որ ըստ մեր տեղեկությունների, հայ կնոջը մահացու ծեծի ենթարկած ռուս զինծառայողը գտնվում է Գյումրու ռուսական 102-րդ ռազմաբազայում։
Աղավնի Սուքիասյան
