Թրամփը հայտարարել է, որ երեք առաջնորդները կանդրադառնան «աշխարհում քննարկվող բոլոր խնդիրներին», նաև Ուկրաինայի պատերազմին

Լուրեր

19.11.2026 | 14:55
Սի Ցզինպինը միջուկային զենքից զերծ աշխարհի կոչ է արել
19.11.2026 | 14:47
Թրամփը հայտարարել է, որ երեք առաջնորդները կանդրադառնան «աշխարհում քննարկվող բոլոր խնդիրներին», նաև Ուկրաինայի պատերազմին
19.11.2026 | 14:45
Ամերիկյան ընկերությունը ՀՀ պաշտոնյաներին է ներկայացրել երկաթուղու ուսումնասիրության արդյունքները․ քննարկվել են ԹՐԻՓՓ-ի շրջանակում նոր ներդրումները
19.11.2026 | 14:38
Աշխարհի ու Եվրոպայի չեմպիոն Խուան Մատան ավարտել է կարիերան
19.11.2026 | 14:30
Բաքուն Հայաստանից ավելի քան 200 զանգվածային գերեզմանների վերաբերյալ տեղեկություններ է ակնկալում․ Հաջիև
19.11.2026 | 14:22
Արցախի և Հայաստանի միավորման քաղաքական օրակարգ չկա, որովհետև Արցախում հայեր չեն ապրում․ Վարդանյան․ ՏԵՍԱՆՅՈՒԹ
19.11.2026 | 14:21
Թրամփի, Սի Ցզինպինի և Պուտինի միջև բանակցություններն ավարտվել են․ հանդիպումը 1,5 ժամ է տևել
19.11.2026 | 14:14
Երևանում կասեցվել է «Սիթի» ընկերության հացի արտադրամասի գործունեությունը․ հայտնաբերվել են սանիտարական խախտումներ
19.11.2026 | 14:05
Պուտինը հայտարարել է, որ ՌԴ-ն, ԱՄՆ-ն ու Չինաստանն «ընդհանուր շահեր» ունեն, այդ թվում՝ Ուկրաինայում հակամարտության հարցում
19.11.2026 | 13:54
Ժաննա Անդրեասյանն այցելել է Ծիծեռնակաբերդ․ բարեկարգման աշխատանքներն ընթանում են ըստ ժամանակացույցի
19.11.2026 | 13:46
Պենտագոնի պաշտոնյան վաղաժամ լքել է Ուկրաինայի պաշտպանության հարցերով հանդիպումը՝ Կիևին քննադատելուց հետո
19.11.2026 | 13:37
Չե՛նք հանդուրժելու, զբաղվե՛ք․ Աղաջանյանը Էդգար Ղազարյանի հարցով դիմեց ընդդիմադիրներին․ ՏԵՍԱՆՅՈՒԹ
19.11.2026 | 13:29
Փաշինյանը՝ դեկտեմբերի 3-ին սպասվող Պուտինի հետ հանդիպման մասին․ ՏԵՍԱՆՅՈՒԹ
19.11.2026 | 13:21
Ռուսաստանի հավաքականը չի մասնակցի Եվրո-2028-ին
19.11.2026 | 13:14
Չեմ բացառում` վարչապետից մինչև թաղապետի պաշտոն կարող եմ զբաղեցնել. Ալեն Սիմոնյան․ ՏԵՍԱՆՅՈՒԹ
Բոլորը

Շենժենում ավարտվել է ԱՄՆ-ՌԴ-Չինաստան եռակողմ գագաթնաժողովը, հաղորդում են չինական լրատվամիջոցները։ Մինչ այդ, հանդիպման մեկնարկին ԱՄՆ նախագահ Դոնալդ Թրամփը հայտարարել է, որ անդրադառնալու են «աշխարհում քննարկվող բոլոր խնդիրներին»։ Նրա խոսքով՝ բանակցությունների օրակարգում, ի թիվս այլ հարցերի, ընդգրկված է նաև միջուկային սպառազինության թեման։

«ԱՄՆ-ը, Ռուսաստանը և Չինաստանը բացառիկ դիրքերում են՝ քննարկելու, թե ինչպես կարելի է նվազեցնել Երկրի վրա միջուկային զենքի քանակը և նաև նվազեցնել այդ զենքի կիրառման ռիսկը»,- ասել է նա։

Թրամփը հայտարարել է, որ արտաքին քաղաքականության մեջ «այլ ուղի է ընտրում»՝ առաջին անգամ համատեղ հանդիպում անցկացնելով Ռուսաստանի և Չինաստանի իր գործընկերների հետ։

Ջերմ խոսքերով անդրադառնալով Չինաստանի առաջնորդ Սի Ցզինպինին և Ռուսաստանի նախագահ Վլադիմիր Պուտինին, որին Թրամփը դիմել է անունով, ԱՄՆ նախագահն ասել է, որ համոզված է՝ Միացյալ Նահանգների հակառակորդների հետ երկխոսությունը կարող է արդյունքներ տալ։

«Որպես աշխարհի երեք խոշորագույն երկրների նախագահներ՝ մենք հատուկ պատասխանատվություն ենք կրում բաց, հարգալից և արդյունավետ երկխոսություն պահպանելու համար այն հարցերի շուրջ, որոնք ազդում են ոչ միայն մեր ժողովուրդների, այլև ամբողջ մոլորակի վրա։ Շատ հաճախ նախկին առաջնորդները խուսափել են խոսել այն երկրների հետ, որոնց հետ տարաձայնություններ են ունեցել։ Մենք հակառակ մոտեցումն ունենք և համոզված ենք, որ դա ճիշտ է»,- ասել է նա պատմական բանակցությունների մեկնարկին։

Թրամփի խոսքով՝ այն առաջնորդների հետ խոսելուց հրաժարվելով, որոնց հետ տարաձայնություններ կան, «երբեք որևէ խնդիր չի լուծվել»։

«Այսպիսով, խաղաղություն երբեք չի հաստատվել՝ հրաժարվելով երկխոսության և համատեղ քննարկումների հնարավորություններից։ Մենք ընտրում ենք այլ ուղի»,- ասել է նա։

Թրամփի խոսքով՝ «կենսական նշանակություն ունի», որ երկրները համագործակցեն՝ «աշխարհի այլ երկրներում միջուկային զենքի տարածման սպառնալիքի դեմ պայքարելու համար»։

«Հենց դրանով էլ մենք զբաղվում ենք Իրանում։ Մենք թույլ չենք տա, որ Իրանը միջուկային զենք ունենա»,- հայտարարել է նա։

Այնուհետև Թրամփն անդրադարձել է Ուկրաինային՝ նշելով, որ ինքն ու Պուտինն արդեն «երկար քննարկում» են ունեցել այդ հակամարտության շուրջ։ Նա նաև լավատեսություն է հայտնել, որ Ուկրաինայում պատերազմի կարգավորումը կարող է մոտ լինել։ Դոնալդ Թրամփը հայտարարել է, որ հինգշաբթի օրը Չինաստանում Ռուսաստանի և Չինաստանի իր գործընկերների հետ բանակցությունների ընթացքում քննարկվելու է Ուկրաինայում պատերազմը։

«Կարծում եմ՝ որոշակի զարգացումներ կան։ Կարծում եմ՝ Պուտինը, և հուսով եմ՝ նաև մյուս կողմը, ցանկանում են տեսնել այդ պատերազմի ավարտը»,– հավելել է Թրամփը։

Թեև այսօրվա հանդիպումից լուրջ արդյունքների ակնկալիքները ցածր են, Թրամփը նշել է, որ առաջընթացի հասնելը հնարավոր է։

«Տեսնենք՝ արդյո՞ք կկարողանանք որևէ արդյունքի հասնել»,- ասել է նա լրագրողների հեռանալուց և բանակցությունների մեկնարկից առաջ։

Թարգմանությունը՝ Էմմա Չոբանյանի