11.11.2026 | 20:14
Իտալիայի, Մեծ Բրիտանիայի և Իռլանդիայի հարյուրավոր դպրոցներում ռումբի սպառնալիքներով ահազանգերի ալիք է գրանցվել
Թուրքական կողմը՝ էրդողան-Փաշինյան հանդիպման մասին
Քաղաքականություն
11.11.2026 | 19:43
Անթալիայում COP31-ի Առաջնորդների գագաթնաժողովի շրջանակում ՀՀ վարչապետ Նիկոլ Փաշինյանի և Թուրքիայի նախագահ Ռեջեփ Թայիփ Էրդողանի հանդիպման մասին մանրամասներ է ներկայացրել թուրքական կողմը։
Թուրքիայի նախագահականի հաղորդակցության վարչության հաղորդմամբ՝ հանդիպման ընթացքում քննարկվել են Թուրքիայի և Հայաստանի միջև երկկողմ հարաբերությունների կարգավորման գործընթացը և տարածաշրջանային հարցեր:
Էրդողանը հայտարարել է, որ Թուրքիայի և Հայաստանի միջև կարգավորման գործընթացը շարունակվում է կառուցողական քայլերով, և որ ձեռնարկվել են որոշ խորհրդանշական, բայց կարևոր քայլեր: Նա նաև հայտարարել է, որ Թուրքիան ուշադիր հետևում և աջակցում է Հայաստանի և Ադրբեջանի միջև խաղաղության գործընթացին:
Հայկական կողմի տարածած հաղորդագրության մեջ մասնավորապես ասված էր․
«Զրուցակիցներն անդրադարձ են կատարել Հայաստան-Թուրքիա հարաբերությունների կարգավորման գործընթացին և ընդգծել են այն առաջ մղելու և տրամաբանական ավարտին հասցնելու կարևորությունը: Այդ առումով, կողմերը կարևորել են մինչ այժմ իրականացված միջոցառումները և ձեռք բերված պայմանավորվածությունները, ինչպես նաև առևտրատնտեսական հարաբերությունների հետագա խթանումը: Մտքեր են փոխանակվել նաև տարածաշրջանային գործընթացների շուրջ: Նիկոլ Փաշինյանը և Ռեջեփ Թայիփ Էրդողանն ընդգծել են Հայաստանի և Ադրբեջանի միջև խաղաղության հաստատման փաստը՝ նշելով, որ այն նոր ազդակ է հաղորդել տարածաշրջանային համագործակցության զարգացմանը։ Անդրադարձ է կատարվել նաև հաղորդուղիների ապաշրջափակմանը, այդ թվում՝ TRIPP նախագծի իրականացմանը միտված քայլերին»:
