09.11.2026 | 16:32
Հայ բասկետբոլիստն արդյունավետ խաղ է անցկացրել Հունաստանում
Ռուսաստանը հարվածել է Օդեսայում դպրոցների և մանկապարտեզների համար նախատեսված սննդամթերքի պահեստին․ կան զոհեր
Քաղաքականություն
09.11.2026 | 16:16
Ռուսաստանը հարված է հասցրել Օդեսայում պահեստային շինությանը, ինչի հետևանքով երեք մարդ է զոհվել։ Այս մասին հայտնել է Օդեսայի մարզային ռազմական վարչակազմի ղեկավար Օլեգ Կիպերը։
Նրա խոսքով՝ զոհվածները երկու կին և մեկ տղամարդ են։ Եվս մեկ կին վիրավորվել է և գտնվում է ծանր վիճակում։
Կիպերի խոսքով՝ ռուս զինվորականները հարվածել են այն պահեստին, որտեղ պահվում էին մանկապարտեզների և դպրոցների համար նախատեսված սննդամթերքի պաշարները։ Հարվածի վայրում հրդեհ է բռնկվել։ Հարձակման հետևանքները ճշտվում են։
Նոյեմբերի 9-ի առավոտյան էլ Ռուսաստանը Սումիում հարվածել է ավտոմեքենայի, որում էներգետիկներ են եղել։ Երեք մարդ վիրավորվել է, նրանցից մեկը՝ ծանր։
«Ռուսները շարունակում են նպատակաուղղված հարվածներ հասցնել խաղաղ բնակիչներին։ Թիրախում են հայտնվում նաև այն մարդիկ, ովքեր ամեն օր, վտանգելով իրենց կյանքը, վերականգնում են վնասված ենթակառուցվածքները և Սումիի մարզի բնակիչների տներ վերադարձնում էլեկտրաէներգիան»,- նշել է Սումիի մարզային ռազմական վարչակազմի ղեկավար Օլեգ Գրիգորովը։
Թարգմանությունը՝ Էմմա Չոբանյանի
