29.10.2026 | 15:55
Հայաստանում սպասվում են անձրևներ և ամպրոպ․ հոկտեմբերի 30-ին տեղումները որոշ շրջաններում հորդառատ կլինեն
Բոլորին պարզ է` ով է սադրիչը. Նարեկ Կարապետյանն արձագանքեց ՔՊ-ականների պնդումներին. ՏԵՍԱՆՅՈՒԹ
Քաղաքականություն
29.10.2026 | 14:32
Ազգային ժողովում տեղի ունեցած ծեծկռտուքից հետո ընդդիմադիր «Ուժեղ Հայաստան» խմբակցության ղեկավար Նարեկ Կարապետյանը Factor TV-ի հետ զրույցում անդրադարձավ իշխանական պատգամավորների այն մեղադրանքներին, թե ինքն է հարձակվել ելույթ ունեցողի վրա և սադրել բախումը։
«Այս պահին չէի ուզենա ինչ-որ թեմաներ քննարկել այդ ուղղությամբ։ Կարծում եմ՝ բոլորին էլ պարզ է, թե ով է սադրիչը»,- ասաց նա։
Պատգամավորը նշեց, որ նմանատիպ միջադեպեր պատահում են աշխարհի շատ երկրների խորհրդարաններում, սակայն ցավ հայտնեց, որ դա տեղի է ունենում հանրության աչքի առաջ. «Բայց մենք հաստատ դրա մեղավորը չենք։ Մենք ամեն ինչ անում ենք, որ դա չլինի, բայց որ եղավ էլ, այնպես չէ, որ շատ դժգոհ ենք»։
Դիտարկմանը, թե ինչու չի հաջողվում մնալ բարեվարքության սահմաններում, ընդդիմադիր պատգամավորը նշեց, որ Ազգային ժողովում կա «հայացքների տարբերություն»։
Հարցին, թե որքան ժամանակ հանրությունը դեռ պետք է ականատես լինի նմանատիպ իրավիճակների խորհրդարանում, Նարեկ Կարապետյանը եզրափակեց. «Այնքան ժամանակ, մինչև խաղի կանոնները Հայաստանում հավասար լինեն բոլորի համար»։
Մանրամասները՝ տեսանյութում։
Ռոզա Վարդանյան
