29.09.2026 | 16:48
Ֆեյսբուքում ատելություն քարոզող հրապարակման համար Վահրամ Սահակյանին մեղադրանք է ներկայացվել, նա ձերբակալվել է
Ֆրանսիայում ավագ դպրոցի աշակերտների բողոքի ցույցերի սրման ֆոնին առնվազն 164 մարդ է ձերբակալվել
Քաղաքականություն
29.09.2026 | 15:55
Ֆրանսիայում ավագ դպրոցներում երկուշաբթի տեղի ունեցած բողոքի ցույցերի ժամանակ տասնյակ մարդիկ են վիրավորվել, առնվազն 164 մարդ ձերբակալվել է։ Այս մասին հայտնել են իշխանությունները, քանի որ աշակերտները պահանջում էին ավելի լավ ռեսուրսներ և ուսուցչական անձնակազմ։
Ներքին գործերի նախարար Լորան Նունյեսը հայտարարել է, որ բողոքի ակցիաների հետևանքով տուժել է շուրջ 180 դպրոց՝ հիմնականում Փարիզի շրջակայքում գտնվող Կրետեյի և Վերսալի շրջաններում, ինչպես նաև Լիլ, Լիոն, Գրենոբլ և Նիս քաղաքներում։ Նունյեսի խոսքով՝ նախնական տվյալներով՝ երկուշաբթի վիրավորվել է անվտանգության ուժերի 12 ներկայացուցիչ։ Նա, հղում անելով կրթության նախարարին, հայտնել է նաև, որ վիրավորվել է կրթական ոլորտի ութ աշխատակից, այդ թվում՝ երեք դպրոցի տնօրեն, ինչպես նաև շուրջ մեկ տասնյակ աշակերտ։
«Սրանք պահանջներ չէին, շատ հաճախ դա պարզապես բռնություն էր՝ իր ամենամաքուր ձևով»,- ասել է Նունյեսը։։
Նա հավելել է, որ ոստիկանությունը հետաքննում է պաշտոնատար անձանց կողմից բռնություն գործադրելու մասին պնդումները։
Երկուշաբթի աշակերտները շրջափակել են 27 դպրոց և փորձել շրջափակել ևս 50-ը։
Բողոքի ակցիաները սկսվել են անցյալ ուրբաթ ։ Աշակերտները բողոքում են մի շարք խնդիրների դեմ, այդ թվում՝ ռեսուրսների և ուսուցիչների պակասի, գերբեռնված դասարանների և ծանր դասացուցակների։
Թարգմանությունը՝ Էմմա Չոբանյանի
