Ընտրություններից հետո ակնկալում եմ հստակ հարցեր և ձևակերպված պատասխաններ իշխանություններից. Արա Խզմալյան. ՏԵՍԱՆՅՈՒԹ

Factor.am-ի հարցազրույցը արվեստաբան Արա Խզմալյանի հետ

– Արդեն հասցրե՞լ եք քվեարկել:

– Այո՛, օրս սկսել եմ քվեարկությունից, որովհետև դա համարում եմ շատ կարևոր: Առհասարակ, սյս օրը համարում եմ, գուցե և, պատմական, որովհետև այսօր մեզ տրված է հնարավորություն՝ ընտրություն կատարելու խղճի մտոք և հավատով, որ ամեն ինչ լինելու է արդար և ըստ ժողովրդի ընտրության:

– Ինչո՞վ է տարբերվում այս ընտրությունը նախորդներից:

– Կարծում եմ՝ բանավեճի մշակույթով, քաղաքական մշակույթով՝ մեծ իմաստով, նոր դեմքերի հայտնվելով, տեսակետներ հայտնելու ազատությամբ և, ամենակարևորը ինձ համար, որ բոլոր մասնակիցները հավատում են իրենց հաղթանակին, ընտրվելու և Ազգային ժողով մտնելու իրենց հնարավորությանը: Այսինքն՝ հավատի այս ծիլը, որ կա այսօր քաղաքական կյանքի մասնակիցների մեջ, համարում եմ ամենաթանկ ձեռքբերումն այս ընտրությունների:

– Պարոն Խզմալյան, այս կամ այն ձևով տեղյակ եք, թե վերջին 20 տարիներին ինչ է տեղի ունեցել Հայաստանում: Ըստ Ձեզ՝ մենք անդառնալի կորուստներ ունե՞նք:

– Ժամանակը: Եթե անդառնալի կորուստ ունենք, մենք կորցրել ենք ժամանակը: Ժամանակի շատ մեծ չափաբաժին ենք կորցրել, որովհետև շատ ու շատ հարցեր, որոնք ցայսօր լուծված չեն և խանգարում են մեր ազգային նորմալ ընթացքին, մեր զարգացմանն ու առաջընթացին, համաշխարհային պրոցեսներին մեր ընդգրկվածությանը, դա ժամանակն է, որովհետև տարիներ շարունակ մենք ոլորտները հանձնարարել ենք մարդկանց, որոնք կոմպետենտ չեն եղել և չեն կարողացել ղեկավարել այնպես, ինչպես անհրաժեշտ է, որոնք պատկերացում չեն ունեցել միջազգային պրոցեսների մասին: Հույս ունեմ, որ ապագա իշխանությունները չեն կրկնի նախորդների սխալները:

Հարցազրույցի մանրամասները՝ տեսանյութում;

Մհեր Արշակյան